दार्चुला
दार्चुलाका थप एक जना कोरोना संक्रमितको मृत्यु भएको छ । शैल्यशिखर नगरपालिका–९ का ६५ वर्षीया महिलाको गोकुलेश्वर अस्पतालमा मृत्यु भएको हो ।
शुक्रवार अचानक श्वासप्रश्वासमा समस्या भइ अस्पताल भर्ना भएका उनको शनिवार बिहान मृत्यु भएको गोकुलेश्वर अस्पतालका डाक्टर नियाज अन्सारीले जानकारी दिए ।
अस्पताल ल्याउदा शरिरमा अक्सिजनको मात्रा निकै कम ४५–५० प्रतिशत रहेको उनले बताए । उनी दमका बिरामी रहेका थिए । उनको शुक्रवार मात्रै कोरोना रिपोर्ट पोजेटिभ आएको थियो । यो सँगै जिल्लामा कोरोनाका कारण मृत्यु हुनेको संख्या ३ पुगेको छ ।
