दोधारा
सरकारले दोस्रो चरणको खोप कार्यक्रमका अन्तर्गत ५५ बर्ष माथीका सबै तथा पहिलो चरणमा छुटेकाहरुलाई प्राथमिकतामा राखि देशभरी कोरोना भाईरस बिरुद्ध खोप अभियान संचालन गरेको छ । यसै क्रममा दोधारा चाँदनी नगरपालिकामा समेत कोरोना बिरुद्ध खोप गत २३ गते देखि संचालनमा आएको हो ।
दोधारा चाँदनी नगरपालिकाको प्राथमिक स्वास्थ्य केन्द्र दोधारा र स्वाथ्य चौकी चाँदनीमा एकै चोटी खोप लगाउने कार्य गरिएको थियो । दोधारा चाँदनी नगरपालिका क्षेत्रमा २२ सय ४७ जनाले कोभिड–१९ बिरुद्ध खोप लगाईसकेको दोधारा चाँदनी नगरपालिका कार्यालय स्वास्थ्य शाखाका शाखा प्रमुख जय बहादुर महराले जानकारी दिएका छन् । प्राथमिक स्वास्थ्य केन्द्र दोधारामा ५ सय महिला र ५ सय ९० जना पुरुषले कोरोना भाईरस बिरुद्ध खोप लागएका छन भने स्वास्थ्य चौकी चाँदनीमा ५ सय ७९ जना महिला र ५ सय ७८ जना पुरुषले कोभिड–१९ बिरुद्ध डोज लगाएको दोधारा चाँदनी नगरपालिका कार्यालय स्वास्थ्य शाखाका शाखा प्रमुख जय बहादुर महराले बताएका छन् ।
दोधारा चाँदनी नगर क्षेत्रमा झण्डै ४ हजार कोभिड खोप लगाउने लक्ष्य राखिएको थियो । कोभिड–१९ बिरुद्ध डोजको अभावको कारण आज कतिपय स्थानियहरु खोप लगाउन नपाएर फर्किएर गएका छन् । दोधारा चाँदनी नगर क्षेत्रमा कोरोना बिरुद्ध खोप लगाउने आज अन्तीम रहेको थियो ।
