दोधारा । दोधारा चाँदनी नगरपालिकाको नेपाल–भारत सिमानामा मृत फेला परेको हात्तीको पोष्टमार्टम पछि दाहसंस्कार गरिएको छ् । दोधारा चाँदनी नगरपालिका– ३ बडुवाल टोल नजिक नेपाल–भारत सिमा स्तम्भ नम्वर ८ सयको झण्डै ५ सय मिटर दक्षिण दशजगा क्षेत्रमा मृत अवस्थामा एक बयस्क हात्ती मृत फेला परेको सशस्त्र प्रहरी बल नेपाल प्रस्तावित सिमा सुरक्षा गुल्म दोधारा चाँदनी देविस्थानका गुल्मपती तथा सशस्त्र प्रहरी नायक उपरिक्षक सन्तोष बिर सिंहले जानकारी दिनुभएको छ् । आज बिहान सशस्त्र प्रहरीको गस्तीटोलीले दशगजा क्षेत्रमा मृत अवस्थामा हात्तीलाई देखेको उहाँले बताउनुभयो ।
चिकित्सकहरुको टोलीले पोष्टमार्टम पछि दुबै देशका सुरक्षाकर्मी, बनकर्मीहरुको रोहवरमा दाहसंस्कार गरेका हुन् । दोधारा चाँदनी नगरपालिका– ३ का वडा सदस्य दिपक महताले मृत हात्तीको शरिर दशगजामा र टाउको नेपाली भुमीमा रहेको बताउनुभएको छ् । आज बिहान सशस्त्र प्रहरीको गस्ती टोलीले देखेपछि खबर गरेको उहाँले बताउनुभयो । वयस्क भाले जंगली हात्ती मृतावस्थामा फेला परे संगै अनुसन्धान जारी राखेको बताईएको छ् ।
हात्तीको मृत्युको कारण भने खुल्न सकेको छैन् । दुई महिनाअघि मात्रै लालझाँडी गाँउपाालिकामा पनि हात्ती मृतावस्थामा फेला परेको थियो ।
