कञ्चनपुर: कञ्चनपुरका प्रहरी र थुनुवाको स्वास्थ्य चेकजाँच गरिएको छ । शनिबार प्रहरी र थुनुवाको स्वास्थ्य परीक्षण गरिएको हो । सुदूरपश्चिम प्रदेश प्रहरी कार्यालय धनगढी कैलालीको आयोजनामा जिल्ला प्रहरी कार्यालय कञ्चनपुरका प्रहरी र थुनुवाको स्वाथ्य परीक्षण गरिएको जनाएको छ ।
निःशुल्क स्वास्थ्य परीक्षण कार्यक्रमको सुदूरपश्चिम प्रदेश प्रहरी प्रमुख डिआईजी गणेश बहादुर चन्दले उद्घाटन गर्दै नागरिकको सुरक्षाका लागि प्रहरीलाई स्वथ्य हुन जरुरी देखिएकाले शिबिर संचालन गरिएको बताए ।
जिल्ला प्रहरी कार्यालय कञ्चनपुरका प्रहरी प्रमुख एसपी चक्रराज जोशीले १२० प्रहरी र ५९ थुनुवाको स्वाथ्य परीक्षण गरिएको बताए । एसपी जोशीका अनुसार पछिल्ला दिनहरुमा प्रहरीको स्वास्थ्य शारिरिक र मानसिक रुपमा स्वस्थ्य राख्नका लागि निःशुल्क स्वास्थ्य परीक्षण गरिएको बताए । निःशुल्क स्वास्थ्य पर्रीक्षण पाएपछि प्रहरी र थुनुवा हर्षित भएका छन ।
