दोधारा । नेपाल बचत तथा ऋण केन्द्रीय सहकारी संघ (नेफ्स्कून) ले कञ्चनपुरको दोधारा चाँदनी नगरपालिकामा रहेको सृजना बचत तथा ऋण सहकारी संस्था लिमिटेडलाई पुरस्कृत तथा सम्मानित गरेको छ् । बुटवलमा पुस ५ गते आयोजना गरेको नेपाल बचत तथा ऋण केन्द्रीय सहकारी संघ (नेफ्स्कून) को ३३ औं वार्षिक साधारण सभामा शुदुरपश्चिममा उत्कृष्ट सहकारीकोरुपमा सृजना बचत तथा ऋण सहकारी संस्थालाई पुरस्कृत तथा सम्मानित गरेको नेपाल बचत तथा ऋण केन्द्रीय सहकारी संघ (नेफ्स्कून) ले जनाएको छ् । सृजना बचत तथा ऋण सहकारी संस्था लिमिटेडले आर्थिक वर्ष २०८१/०८२ मा नेफ्स्कुन प्रदेश स्तरिय उत्कृष्ट बचत तथा ऋण सहकारी संस्था शुदुरपश्चिममा उत्कृष्ट सहकारी संस्थाबाट सम्मानित भएको सृजना बचत तथा ऋण सहकारी संस्थाका व्यवस्थापक नैन सिंह ठगुन्नाले बताउनुभएको छ् ।
शेयर सदस्य, कर्मचारी तथा जनप्रतिनिधीको बिच भएको एक कार्यक्रममा सृजना बचत तथा ऋण सहकारी संस्थाको कार्यालयमा संस्था उत्कृष्ट भएकोमा शुभकामना आदान प्रदान गरिएको व्यवस्थापक नैन सिंह ठगुन्नाले बताउनुभयो । बुटवलमा आयोजना भएको नेपाल बचत तथा ऋण केन्द्रीय सहकारी संघ (नेफ्स्कून) को ३३ औं वार्षिक साधारण सभामा सहकारी तथा साकोस अभियानमा दीर्घ योगदान दिने, उत्कष्ट कार्य सम्पादन गर्ने व्यक्ति एवम् संघ संस्थाहरुलाई समेत पुरस्कृत तथा सम्मानित गरिएको व्यवस्थापक नैनसिंह ठगुन्नाले बताउनुभएको छ् । नेफ्स्कूनले लामो समय देखि सहकारी तथा साकोस अभियानमा योगदान दिने व्यक्तित्व तथा उत्कष्ट कार्य सम्पादन गर्ने व्यक्ति एवम् संघ–संस्थाहरुलाई स्थापना दिवसको अवसरमा सम्मान पुरस्कार घोषणा गर्दै आएको छ् ।
यसरी घोषित सम्मान पुरस्कार संघको वार्षिक साधारण सभामा प्रदान गर्ने प्रचलन रहेको उहाँले बताउनुभयो । नेफ्स्कूनको ३३ औं वार्षिक साधारण सभामा संस्था शुदुरपश्चिममा उत्कृष्ट भएर सम्मान तथा पुरुस्कार भएको अवसरमा संस्थाले आयोजना गरेको शुभकामना आदान प्रदान कार्यक्रममा मन्तब्य राख्दै दोधारा चाँदनी नगरपािलका– ४ का वडाध्यक्ष भक्त बहादुर सुनारले सृजना बचत तथा ऋण सहकारी संस्था बिगतका दिनहरु देखि जनहितमा कार्य गर्दै आएको बताउनुभएको छ् ।
स्थानिय सरकारले समेत सहकारी संस्थालाई सहयोग गर्दै आएको बताउदै वडाध्यक्ष भक्त बहादुर सुनारले सहकारी संस्थाका शेयर सदस्य, कर्मचारी तथा संस्थामा सहयोग गर्ने सबैलाई बधाई तथा धन्यबाद दिनुभएको छ् ।
