कञ्चनपुर – बैतडीको शिवनाथ गाउँपालिकाकी निवर्तमान उपाध्यक्ष कुश्मा चन्दले अनाथालयमा सहयोग गरेकी छन्। उनले महेन्द्रनगर स्थित समाज कल्याण अञ्चल बाल अनाथालयमा अक्षयकोषको लागि रु एघार हजार एक सय एघार सहयोग हस्तान्तरण गरेकी हुन्।
चन्दले सरस्वती पूजाको अवसरमा समाज कल्याण अञ्चल बाल अनाथालयमा उक्त रकम सहयोग गरेको बताइन्। उनले भनिन ‘आज सरस्वती पूजाको दिन अनाथालयको अक्षय कोषका लागि आजीवन सदस्य भए बापत रु एघार हजार एक सय एघार हस्तान्तरण गरेकी छु। साथै आगामी दिनहरूमा पनि आफूले सकेको सहयोग गर्न प्रतिवद्ध रहनेछु।’
साथै चन्दले सबैलाई अनाथालयमा आएर आफूले सकेको सहयोग गर्न अनुरोध समेत गरिन्।
