कञ्चनपुर : मंसिर यस बर्षको दशैँ–तिहारका बेला कञ्चनपुरमा ७३ जुवाडेबाट ७ लाख हाराहारी बरामद गरिएको छ । जिल्ला प्रहरी कार्यालय कञ्चनपुरले दशैँ, तिहारका बेला शुरुवात र सकिएपछि विभिन्न स्थानबाट जुवाखालबाटै ७३ जना जुवाडे र ६ लाख, ८० हजार, ६९७नगद रुपैया बरामद गरेको जनाएको छ ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
कञ्चनपुरका प्रहरी प्रमुख एसपी कमल थापाले चाडपर्व सुरक्षा योजना अन्र्तरगत जिल्लाभरी प्रहरी खटिएर जुवाखालबाटै मानिस पक्राउ र रकम तास बरामद गरिएको बताए । यस बर्ष कञ्चनपुरमा नेतादेखि प्रहरीसम्म जुवाखालबाट पक्राउ परेका थिए । यसका साथै ५बोरा प्रतिबन्धित प्लाष्टिकका माला, ४बोरा पटाका समेत बरामद गरिएका छन । एसपी थापाले यस बर्ष कञ्चनपुरमा तिहारका बेला कुनै अप्रिय घटना नघटेको र शान्तिपुर्ण तिहार भएको बताए । विगतका बर्षहरुमा चाडपर्वका बेला झै झगडा, झडप, ठुलठुला चोरी डकैतीदेखिका हत्याका घटना घटेपनि यस बर्ष कञ्चनपुरमा समान्य प्रकृतिका घटना बाहेक शान्तिपुर्ण दशौँ तिहार छठ सम्पन्न भएको बताए ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
सुरक्षा निकायको चनाखोपन नागरिकविच उच्च नैतिकता, संयमितता, सचेतना सहितका विवित पक्षबाट चाडपर्व शान्तिपुर्ण भएको बताए । पछिल्ला दिनहरुमा कञ्चनपुर प्रहरी एसपी कमल थापा नेतृत्वको टोलीले विगतको जस्तो तस्करबाट रकम नअशुलेर सिधै एक्सनमा उत्रिएपछि राजस्व चुहावट समेत नियन्त्रण भएको छ ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)