कञ्चनपुर: कञ्चनपुरका ८६ हजार घरपालुवा जनावर बाख्रा र भेडालाई पिसिआर महामारी रोग बिरुद्धमा खोप लगाईएको छ । भेटेरिनरी अस्पताल तथा पशु सेवा विज्ञ केन्द्र कञ्चनपुरले जिल्लाका ८६ हजार घरपालुवा जनावर बा्रखा र भेडालाई पिसिआर महामारी रोग बिरुद्धमा खोप लगाईएको हो । भेटेरिनरी अस्पताल तथा पशु सेवा विज्ञ केन्द्र कञ्चनपुरका सुचना अधिकारी तथा पशु विकास अधिकृत शंकर दत्त जोशीले चालु आर्थिक बर्ष ०७८÷०७९को दोस्रो चौमासिकमा भेडा, बाख्रामा लाग्ने पिपिआर महामारी रोग बिरुद्धमा खोप लगाईसकेको बताए । सुचना अधिकारी जोशीले जिल्लाका ९वटै पालिका स्थानीय किसानले पालेका बाख्रा र भेडामा खोप लगाईएको बताए ।
सुचना अधिकारी जोशीका अनुसार भीमदत्त नगरमा ११ हजार ५ सय, बेदकोट नगरमा ११ हजार ५ सय, दोधाराचाँदनी नगरमा ११ हजार ५ सय, कृष्णपुर नगरमा १० हजार, पूनर्वास नगरमा १० हजार ५ सय, बेलौरी नगरमा ८ हजार, लालझाडी गाँउपालिकामा ८ हजार बेलडाँडी गाँउपालिकामा ५ हजार बाख्रा भेडामा खोप लगाईएको छ । सुचना अधिकारी जोशीले भेडा र बाख्राबाट मासुजन्य पदार्थ मानिसले उपभोग गर्ने भएकाले खोप लगाएका भेडा र बाख्राको मासु उपभोग गर्दा लाभदायक हुने बताए । भेटेरिनरी अस्पताल तथा पशु सेवा विज्ञ केन्द्र कञ्चनपुरका कार्यालय प्रमुख डा.पानसिह ठगुन्नाले बाख्रा र भेडामा लाग्ने एक प्रकारको हैजा महामारी बिरुद्धको खोप लगाईएको बताए । ‘यो बर्ष हाम्रो लक्ष्य ९० हजार हो, ‘उनले भने, ‘दोस्रो चौमासिकमै ८६ हजारमा लगाईसकेका छौँ, अहिले पनि निरन्तर जारी छ, लक्ष्य भन्दा बढि काम हुन्छ ।’
एक पटक खोप लगाईसकेपछि ३ बर्षका लागि ढुक्क हुने उनले बताए । कार्यालय प्रमुख डा. ठगुन्नाले गाईभैसीमा समेत खोरेत, भ्याकुते रोग बिरुद्धमा खोप लगाउने काम समेत भईरहेको बताए । बदेलमा लाग्ने स्याईनफिबर रोग बिरुद्धमा समेत खोप लगाईने छ । कुकुरको टोकाईबाट लाग्ने रेबिज बिरुद्धको भ्याक्सिन कार्यालयमा नआउने भएकाले अहिले यो समस्या देखिईरहेको बताए । ‘ग्रामिण भेगतिर जंगल छेउछाउ विपन्न बस्तीका किसानले पालेका घरपालुवा जनावरमा स्यालले टोक्ने समस्या देखिएको छ, ‘उनले भने, ‘हामीकहाँ भ्याक्सिन आउँदैन, ‘यस्ता किसानका समस्यामा पालिकाले समेत केही योजना ल्याउनुपर्छ ।’
