कञ्चनपुर
कोरोना कहरले मातृभूमि(नेपाल) सुदूरपश्चिमका नागरिकले अकालमै ज्यान गुमाईरहेका खबर बाहिर आएपछि विदेशमा रहेका एक कञ्चनपुरका युवकले मातृभूमिप्रतिको अद्याग सद्भाव प्रकट गरेका छन । मुलुकमा तीन सरकार छन, तर अक्सिजन अभावका कारण नागरिक धमाधम ज्यान गुमाईरहेका छन । तर, उनीहरुको चिन्ता, चासो छैन । तर, मातृभूमि छाडेर विदेशमा पसिना बगाईरहेका भीमदत्त नगरपालिका ६ महेन्द्रनगर कञ्चनपुरका युवक ईन्जिनियर मोहन देव भट्टले मातृभूमिका नागरिकको समस्या मध्य नजर गर्दै आर्थिक सहयोग गरेका छन ।
सुदूरपश्चिम समाज अष्टे«लियाका अध्यक्ष समेत ईन्जिनियर मोहन देव भट्टले सुदूरका अस्पतालमा अक्सिजन अभाव आपूर्तिका लागि आर्थिक सहयोग गरेका हुन । ईन्जिनियर भट्टले महाकाली, सेती, टीकापुर, बैतडी र डडेल्धुराका अस्पतालमा अक्सिजन सहयोगका लागि आर्थिक सहयोग गरिरहेका छन । सुदूरका पाँचै अस्पतालमा ईन्जिनियर भट्टले ३३ हजार ७ सय ५० रुपैयाका दरले पाँचै अस्पताललाई अक्सिजन खरिदका लागि आर्थिक सहयोग गरिरहेका छन । मंगलबार सम्ममा सेती र महाकाली अस्पतालमा सहयोग रकम हस्तान्तरण गरिएको छ । महाकाली अस्पतालमा कञ्चनपुर कैलाली उद्योग वाणिज्य सघ मार्फत रकम सहयोग गरेका छन ।
बाँकी अस्पतालमा सहयोग हस्तान्तरणका लागि छलफल चलिरहेको छ । मातृभूमि सुदूरपश्चिम नेपाल भएका ईन्जिनियर भट्टले विपद्का बेला आफ्नो मातृभूमि देशका नागरिकको जिवन रक्षाका लागि सक्दो सहयोग गरेको बताएका छन । उनले आफुहरु विदेश भएपनि मातृभूमि नागरिकले अक्सिजन नपाएर ज्यान गुमाईरहेको घटनाले चिन्तित बनाएर यस्तो महाविपद्तीका बेला सक्दो सहयोग गरेको बताएका छन । ईन्जिनियर भट्ट विदेशमा रहेपनि मातृभूमिको चिन्ता, चासो र मानविय सद्भाव देखाएको भन्दै सेती महाकाली अस्पतालले उनीप्रति अभाव प्रकट गरेका छन ।