रुपन्देहीको तिलोत्तमा नगरपालिका–१० मैनहवा गाउँमा भैंसी फार्ममा काम गर्ने पाँच जनाको गए राति सामुहिक हत्या भएको छ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
कृष्ण पुन मगरको फार्ममा काम गर्ने २३ झपेन्द्र सिंजालीले उनीहरुलाई कोदालो प्रहार गरी हत्या गरेका थिए। सुर्खेत निवासी उनी उक्त भैंसी फार्मकै कामदार हुन्।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
घटनामा संलग्न झपेन्द्र सिंजालीलाई प्रहरीले पक्राउ गरेको कृष्णका आफन्त प्रदीप थापाले जानकारी गराए। जिल्ला प्रहरी कार्यालय रुपन्देहीले घटनामा पाँच जनाको मृत्यु भएको पुष्टि गरेको छ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
थापाका अनुसार, मृतक र झपेन्द्र सिंजाली एउटै हलमा सुतेका थिए।
बिहान मात्र घटनाबारे जानकारी भएको थियो। मृतक मध्ये ४ जना पुरुष र एक महिला छन्। मृतकको नाम र ठेगाना खुलेको छैन।
घटनास्थलमा प्रहरी पुगेको छ। उक्त फार्ममा ६० वटा भैंसी छन्।
![](https://esudurdarpan.com/wp-content/uploads/2024/01/Belndai.jpg)