महेन्द्रनगर २४ जेठ ।
स्थानीय प्रशासनले बीउबिजनका पसल खोल्ने र कृषकहरुलाई ओसारपसार गर्ने अनुमति दिएको भए पनि प्रहरीले आदेश विपरीत काम गरेको आरोप लागेको छ ।
भीमदत्त नगरपाालिलका–९ तुम्डानीका बिमल जोशीले महेन्द्रनगर बजारबाट रासायनिक मल खरिद गरेर घर जाँदा प्रहरीले आफूमाथि दुव्र्यवहार गरेको दावी गरेका छन् ।
मोटरसाइकलमा मल बोकेर ल्याइरहेको बेला तुम्डानी चोकमा प्रहरीले रोकेर आफ्नो लाइसेन्श खोस्दै लछारपछार गरेको उनको बताए । सीमा प्रहरी चौकी ब्रम्हदेवका सई जीवन गुरुङले आफूलाई अपशब्द बोलेर अपमान पनि गरेको आरोप छ ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
सई गुरुङले जोशीको लाइसेन्स खोसेको स्वीकार्दै लछारपछार र अपशब्द नबोलेको बताए । उनले भने, ‘कडाई गर्न माथिको आदेश भएकोले उनलाई रोकेर लाइसेन्स खोसेको हुँ ।’
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
सई गुरुङले ‘माथिको आदेश’ भने पनि कञ्चनपुर जिल्ला प्रशासन कार्यालयले भने कृषि कार्यका लागि बाधा हुने कुनै पनि व्यवस्था गरेको छैन । कञ्चनपुरका सिडिओ नूरहरी खतिवडाले कृषकले निर्वाध रुपमा कृषि सामग्री ओसारपसार गर्न पाउने बताए । साथै यस घटनाबारे आफुले समेत जानकारी लिने उनको भनाई छ ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
जोशीले आफु माथि प्रहरीले अभद्र व्यवहार गरि मानहानी गरेको भन्दैँ कानुनी उपचार खोज्ने बताए । ‘आज नै प्रशासनमा उजूरी दिने सोच थियो स्थानीय जोशीले भने शनिबार परेका उजुरी हाल्न सकिन्, आईतबार प्रशासनमा उजुररु दिन्छु’ उनले भने ।
प्रहरीको दुव्र्यहारबाट आफ्नो लाईसेन्स समेत च्यातिएको उनको दावि छ ।’ साथै यसअघि पनि सई थापाले स्थानीयलाई दुःख दिने गरेको उनको आरोप छ ।
![](https://esudurdarpan.com/wp-content/uploads/2024/01/Belndai.jpg)