नयाँदिल्ली- २०२० को अन्त्यसम्म भारतमा कोभिड १९ का कारण देशकै ५० प्रतिशत जनसंख्यालाई संक्रमण हुनसक्ने विज्ञको आंकलन छ ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
अर्थात् ६९ करोडलाई संक्रमण हुनसक्ने आंकलन गरिएको हो । नेश्नल इन्स्टिच्युट अफ मेन्टल हेल्थ एन्ड न्युरो साइन्सेसका प्रमुख डा. भी रविले यस वर्षको डिसेम्बरसम्म हालको जनसंख्याको आधा जनसंख्यालाई संक्रमणले छुनसक्ने आंकलन गरेका हुन् ।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
भारतको जनसंख्या हाल १ अर्ब ३८ करोड छ । चौँथो चरणको लकडाउन सकिएपछि डा. रविले यस्तो प्रक्षेपण गरेका हुन् । मे महिनाको अन्त्यसँगै भारतमा चौँथो चरणको लकडाउन सकिएको थियो ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
संक्रमितको संख्या जुनदेखि झन् आकाशिने पनि उनको दावी छ । र डिसेम्बरसम्म पुग्दा देशकै आधा जनसंख्या संक्रमित हुने उनले बताएका हुन् । साथै उनले स्वास्थ्य सावधानीका लागि सचेत पनि गराएका छन् । महामारी सम्बन्धी विज्ञहरुले भारतमा कोरोना परीक्षणका ल्याबको संख्या पनि बढाउनुपर्ने सरकारलाई सुझाव दिएका छन् ।
डा. रविले पनि हरेक जिल्लामा ल्याबको संख्या तिव्र रुपमा बढाउनुपर्ने सुझाव दिएका छन् । भारतमा कोभिड १९ बाट २ लाख २७ हजार भन्दा धेरै संक्रमित भएका छन् भने ६ हजार भन्दा धेरैको मृत्यु भएको छ ।
![](https://esudurdarpan.com/wp-content/uploads/2024/01/Belndai.jpg)