मदन गिरी
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
महेन्द्रनगर २१ जेठ । सेती प्रादेशिक अस्पतालले भर्ना नलिएका कैलालीका ७ जना कोरोना संक्रमितलाई कञ्चनपुरको महाकाली अस्पताल ल्याइएको छ ।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
महाकाली अस्पताल विकास समितीका अध्यक्ष कृष्णदत्त जोशीले कैलालीका सात जना कोरोना संक्रमीतलाई महाकाली अस्पतालमा भर्ना गरिएको बताए ।
उनका अनुसार सेती प्रदेशिक अस्पतालमा ओईसोलेसनको अभाव भएपछि महाकालीमा ल्याईएको हो ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
कैलालीको गौरीगंगा नगरपालिकाको क्वारेन्टाईनमा रहेका सात जनालाई महाकाली अस्पतालको आईसोलेन कक्षमा राखिएको छ । योसँगै महाकालीमा कोरोना संक्रमीतको संख्या १५ पुगेको छ ।
कैलालीको गौरीगंगा नगरपालिकामा मंगलवार संक्रमण देखिएका ७ जना संक्रमितमध्ये एक जनालाई सेती प्रादेशिक अस्पताल र अन्य ६ जनालाईलाई गौरीगंगा नगरपालिका–४ स्थित निर्माणाधीन प्रसूति सेवा गृहको भवनमा राखिएकोे थियो ।
गौरीगंगा नगरपालिकाकी उप–प्रमुख अञ्चला चौधरीले सेती अस्पतालमा आईसोलेसन अभाव भएपछि महाकालीमा पठाईएको बताइन । ‘कोरोना संक्रमणका लक्षण देखिए पछि अस्पतालले भर्ना नगरे पछि व्यवस्थापनमा समस्या आएको थियो, अहिले ६ जना संक्रमितलाई महाकाली अस्पताल महेन्द्रनगर पठाएका छौँ ’ उनले भनिन् ।
अस्पतालसंग समन्वयनै नगरी मंगलवार राती एम्बुलेन्समा सेती प्रादेशिक अस्पालप पु¥याएका गौरीगंगा नगरपालिका–२ मालिका माध्यमिक विद्यालय र वडा–४ को कालिका माध्यमिक विद्यालयको क्वारेन्टिनमा भेटिएका ७ संक्रमितलाई भर्नै नगरी फर्काइएको थियो ।
सेती प्रादेशिक अस्पतालले आइसोलेसनमा क्षमताभन्दा बढी बिरामी रहेको जनाएको छ । सेतीमा हाल २४ बेड क्षमताको आइसोलेसनमा अहिले २५ बिरामी छन् ।
![](https://esudurdarpan.com/wp-content/uploads/2024/01/Belndai.jpg)