महेन्द्रनगर २० जेठ । जिल्ला प्रशासन कार्यालय कञ्चनपुरले भारत लगायत अन्य ठाँउबाट कञ्चनपुर प्रवेश गर्नेले होम क्वारेन्टाईनमा बस्न पाउने जनाएको छ ।
सोमबार एक सुचना जारी गदैँ जिल्ला प्रशासनका कार्यालय कञ्चनपुरले आवश्यक सतकर्ता अपनाएर होम क्वारेन्टाईन मै बस्न जिल्लावासिलाई आग्रह गरेको छ ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
प्रशासनले जिल्लाका विभिन्न स्थानीय तहले निर्माण गरेका क्वारेन्टाईनमा चाप बढेपछि होम क्वारेन्टाईनमा बस्न सुझाएको हो ।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
सरकारको निर्णय अनुरुप सोमवार जिल्ला प्रशासन कार्यालय कञ्चनपुरले पनि जिल्लाभर जेठ ३२ गते सम्मका लागी लकडाउन बढाएको सहायक प्रमुख जिल्ला अधिकारी गोकर्ण प्रशाद उपाध्यायले बताए ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
कोरोना रोकथाम तथा नियन्त्रणका निम्ति उक्त निर्णय गरीएको हो ।
‘लकडाउन अवधिमा जिल्लामा कृषि तथा पशुपन्छीका लागि अत्यावश्यक औषधिलगायत सेवा प्रवाह गर्ने एग्रोभेटहरु बिहान ११ बजेदेखि २ बजे (३ घण्टा) सम्म सञ्चालन गर्न पाइनेछ ।’
सहायक प्रमुख जिल्ला अधिकारी उपाध्यायले भने ‘ बैंक तथा वित्तीय संस्थाहरु कोभिड–१९ रोगको संक्रमण नबढ्ने गरी उच्च स्वास्थ्य सतर्कता अपनाएर न्यूनतम कर्मचारीहरु उपस्थित भएर भीडभाड नहुने गरी सञ्चालन गर्न सकिनेछ ।’
![](https://esudurdarpan.com/wp-content/uploads/2024/01/Belndai.jpg)