महेन्द्रनगर: कञ्चनपुर जिल्लाको दोधारा चाँदनी नगरपालिकामा राष्ट्रिय स्तरको एन्फा फुटबल रेफ्री प्रशिक्षण तालिमा सुरु भएको छ।
कञ्चनपुर जिल्ला फुटबल संघ कञ्चनपुरको आयोजनामा, अखिल नेपाल फुटबल संघ (एन्फा) को प्राविधिक सहयोग र दोधारा चाँदनी नगरपालिकाको आर्थिक सहयोगमा एन्फा रेफ्री प्रशिक्षण कार्यक्रम मंगलबार देखि सुरु भएको हो।
जिल्ला फुटबल संघको अथक प्रयास र दोधारा चाँदनी नगरपालिकाको आर्थिक सहयोगमा वडा न.०७ को वडा कार्यालयमा कञ्चनपुर जिल्ला फुटबल संघका अध्यक्ष गणेश बहादुर चन्दको सभापतित्वमा दोधारा चाँदनी नगरपालिका नगर प्रमुख किशोर कुमार लिम्बुको प्रमुख आतिथ्यतामा राष्ट्रिय स्तरको एन्फा फुटबल रेफ्री प्रशिक्षण तालिम एक कार्यक्रमका साथ उद्धघाटन भएको जिल्ला फुटबल संघका महासचिव नितेश रावलले बताउनु भयो।
सुदूरपश्चिम प्रदेशका कैलाली, कञ्चनपुर, डोटी र लुम्बिनी प्रदेश बर्दिया जिल्लाका प्रशिक्षार्थीहरुको सहभागिता समेत रहेको उक्त तालिममा ४ महिला र ३० पुरुष गरि ३४ जना रहेका छन्। एन्फा रेफ्री प्रशिक्षण तालिम कार्तिक १८ देखि २४ गते सम्म लक्ष्मी माध्यमिक विद्यालय बाबाथानको प्राङ्गणमा ७ दिन सम्म सञ्चालन हुने छ।
अखिल नेपाल फुटबल संघ (एन्फा) को रेफ्री टेक्निकल टिमले प्रशिक्षण दिनेछन्। फिफा पुर्व रेफ्री सचिन आमत्ते, फिफा सहायक पुर्व रेफ्री रोजन श्रेष्ठ र शैलेश जोशीले प्रशिक्षण दिने कार्यतालिका रहेको छ।
नगरपालिकामा नै खेलकुद बिकासका लागि महत्वपूर्ण आवासीय फुटबल प्रशिक्षण कार्यक्रम सञ्चालन गर्न विशेष सहयोग गर्नु भएकोमा नगर कार्यपालिका सदस्य सम्पुर्णमा नगर प्रमुख किशोर कुमार लिम्बूले हार्दिक धन्यवाद दिनु समेत भयो। ‘दोधारा चाँदनी नगरपालिकामा पहिलो पटक राष्ट्रिय स्तरको नै फुटबल प्रशिक्षण तालिमको आयोजना गर्नुभएकोमा कञ्चनपुर जिल्ला फुटबल संघ र अखिल नेपाल फुटबल संघ परिवारलाई विशेष धन्यवाद छ, उनले भने समग्र “दोधारा चाँदनीमा पहिलो पटक राष्ट्रिय स्तरको फुटबल प्रशिक्षण तालिम हुनु गर्वको कुरा हो। यसले खेलकुद विकासमा टेवा पुर्याउनेछ।”
कञ्चनपुर जिल्ला फुटबल फुटबल संघका अध्यक्ष गणेश चन्दले फुटबल बिकासका लागि निरन्तर अथक प्रयास पश्चात् तालिम सञ्चालन हुन लागेको हो। रेफ्री अभावको कारण प्रतियोगिता सञ्चालन गर्नसमेत गाह्रो भएको थियो। अब रेफ्री अभावका कारण प्रतियोगिता सञ्चालनमा समस्या रहने छैन।अबका दिनमा सहज हुने छ, उक्त तालिमको लागि विशेष सहयोग दोधारा चाँदनी नगरपालिका नगर प्रमुख लगायत नगरकार्यपालिका लाई धन्यवाद दिन्छौं। उनले भने भन्नू भयो।”
कञ्चनपुर जिल्लाका पालिकाहरु मध्यको खेलकुद बिकासका लागि दोधारा चाँदनी नगरपालिका अग्रपंक्तिमा रहेको पालिका हो। विभिन्न खेलकुदका गतिविधि समेत निरन्तर चलायमान छन्।
