कञ्चनपुर : बेलौरी नगरपालिका १० मा स्थित शिद्धेश्वरी माध्यमिक.विद्यालयमा शैक्षिक सत्र २०८२ को भर्ना अभियान अन्तर्गत विचार गोष्ठीको आयोजना गरिएको छ । शिद्धेश्वरी मा.वि.ले भर्ना अभियान शुरु गर्नु पुर्व २०८२ मा विद्यार्थीहरुको संख्यात्मक उपस्थितीको मुल्याङ्कन गर्ने र विद्यालयलाई अगाडी बढाउन बहुपक्षिय सरोकार वालाको भेला रोखर विचार गोष्ठीको आयोजना गरिएको छ । जसले शैक्षिक सत्र २०८२ को भर्ना अभियानमा महत्वपुर्ण भुमिका खेल्ने छ ।
‘राष्ट्रका कुनै पनि बालबालिकाले शिक्षा बाट बञ्चित हुनु नपरोस भन्ने धेयले राज्यले शिक्षामा लगाएको लगानी अद्भूत रहेको’ प्रधानाध्यापक योगेन्द्र बहादुर शाहले बताए। बेलौरी नगरपाकिलाका शिक्षा शाखा प्रमुख अमित प्रसाद भट्टले ‘यस प्रकारको विचार गोष्ठीले विद्यालयको शिक्षा क्षेत्रमा पक्कै पनि सुधार हुनुको साथै अभिभावक, शिक्षक लगायत सबै सरोकारवालाले विद्यार्थीको शैक्षिक प्रगतिको लागि भुमिका खेल्नेमा विश्वास रहेको बताए ।’ उनले भने,‘ हामी सबैको अन्तिम केन्द्र भनेको विद्यार्थी हो, त्यसैले विद्यार्थीको संख्यात्मक तथा गुणात्मक उपस्थिती आवश्यक छ विद्यार्थी बाट यो देशले समृद्धीको सपना पुरा गर्ला भन्ने उद्देश्यले राज्यले लगानी लगाएको छ।’
‘भर्ना अभियानबाट प्रेरित भएर निजी तथा बोडिङ्ग विद्यालयबाट सामुदायिक विद्यालयमा विद्यार्थी आउने विश्वास रहेको’ विद्यालय व्यवस्थापन समितिका अध्यक्ष अर्जुन बहादुर सिहले बताए । उनले भने बैशाख २ गते बाट भर्ना अभियान अन्तर्गत गाँउ, वडामा रहेका विद्यार्थीहरुलाई भर्नाको लागि आवहन गर्ने छौं । शिद्धेश्वरी माध्यमिक विद्यालयले आयोजना गरेको विचार गोष्ठीको सभापतित्व विद्यालय व्यवस्थापन समितिका अध्यक्ष अर्जुन बहादुर सिहले रहनु भएको थियो, प्रमुख अतिथीमा बेलौरी नगरपालिका १० का वडा अध्यक्ष पोमलाल चौधरी रहनु भएको थियो ।
