बेलौरी-कंचनपुरको बेलौरी नगरपालिका-३, बुटाबारीबाट प्रहरीले २२ केजी चरेश नियन्त्रणमा लिएको छ । शनिबार साझ ७ बजेको समयमा ईलाका प्रहरी कार्यालय बेलौरीका प्रहरी निरीक्षक कमल कुमार खड्काको नेतृत्वमा खटिएको प्रहरी टोलीले सडक छेउबाट बेवारिसे अवस्थामा रहेको २२ केजी चरेश नियन्त्रणमा लिएको हो ।
प्रहरी निरीक्षक खड्काले सडक छेउमा रोकिएको यु.पी.३१ ए.पी. २२५६ नम्बरको भारतीय मोटरसाईकल सहित चरेश बेवारिसे अवस्थामा नियन्त्रण गरेको बताए । “कानुन अनुसार बरामद गरी चरेशको विषयमा थप अनुसन्धान गरिरहेको छु ।” प्रहरी निरीक्षक खड्काले भने “यस्तो गतिविधिमा संलग्नको पहिचान गर्छु, कुनै हालतमा उम्कन दिदैन ।” अघिल्लो वर्ष भन्दा लागुऔषधलाई नियन्त्रण गर्न बेलौरी प्रहरीको निकै सक्रियता र सफलता देखिएको स्थानीयहरुको भनाई छ ।
