महेन्द्रनगर ३० जेठ । कञ्चनपुरको महेन्द्रनगरको महाकाली अस्पतालमा कोरोना अस्पताल शुक्रबारदेखि सञ्चालनमा आएको छ । सुदूरपश्चिम प्रदेशका सामाजिक विकासमन्त्री कृष्णराज सुवेदीले ५० शैयाको उक्त अस्पताल उद्धघाटन गरे ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
नोबेल कोरोना भाईरसको संक्रमण नियन्त्रणका लागि सरकारले घोषणा गरेको लकडाउनकै अवधिमा मन्त्री सुवेदलीले औपचारिक रुपमा उद्धघाटन गरेका हुन् ।
प्रदेश सरकारले कैलाली र कञ्चनपुरमा कोरोना अस्पताल निर्माणका लागि बजेट विनियोजन गरेको थियो । कैलालीमा यस अघि नै निर्माण कार्य सम्मन्न भई अस्पताल सञ्चालनमा आईसकेको छ ।
कञ्चनपुरमा ९२ लाख ५४ हजारमा कोरोना अस्पताल निर्माणका लागि विपिन विल्र्डसले निर्माणको जिम्मा पाएको थियो । जेठ ७ गते निर्माण सम्पनन गर्नुपर्ने भएपनि झण्डै तीन साता ढिलो गरी अस्पतालको निर्माण सकिएको हो ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
महाकाली अस्पतालले नयाँ संक्रमित भएर आउने बिरामीलाई नवनिर्मित भवनमा राख्ने महाकाली अस्पतालमा मेडिकल सुपरिटेन्डेन्ट हरीकुमार श्रेष्ठले बताए । अहिले महाकाली अस्पतालमा कञ्चनपुर र कैलालीका गरेर ३३ जना संक्रमित उपचारत रहेका छन ्। धनगढीमा यसअघि नै कोरोना अस्पताल सञ्चालन भईसकेको छ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
यस्तै अस्पताल उद्धघाटनपछि अस्पतालका मेसु डाक्टर श्रेष्ठले महाकाली अस्पतालमा पीसीआर मेसिन जडानका लागि आवश्यक पूर्वाधार र जनशक्ति अभाव रहेको बताए।
उनले पीसीआर विधिबाट परीक्षण गर्न अपरिहार्य रहेको बताउँदै यसका लागि आवश्यक पूर्वाधार र जनशक्ति सरकारले उपलब्ध गराउनुपर्ने बताए ।
![](https://esudurdarpan.com/wp-content/uploads/2024/01/Belndai.jpg)