सुदूरपश्चिम प्रदेश स्तरीय क्षेत्रीय पुरुष क्रीकेट छनौट प्रतियोगिताको एक कार्यक्रमका साथ सम्पन्न भएको छ।

वाई वाई यु–१९ प्रदेश स्तरीय पुरुष क्रिकेट छनौट प्रतियोगिता – २०७८ मा बुधबार महेन्द्रनगरको खुलामञ्चमा भएको फाइनल खेलमा टच जित्दै कैलालीले पहिलो ब्याटिङ गर्दै २१.५ ओभरमा अल आउट हुँदा ६५ रन बनाएको थियो।

कञ्चनपुरको तर्फबाट आकाश चन्दले ६.५ ओभर गर्दै १६ रन दिदै ३ विकेट ,अर्जुन साउँदले ८ ओभर फाल्दै ३० दिदै ५ विकेट ,हेमन्त धामीले ७ ओभरमा १६ दिदै २ विकेट हात पार्न सफल भए । ६६ रनको लक्ष्य पन्छाउने क्रममा मैदान उत्रिएको कञ्चनपुरले १६.५ ओभरमा ६ विकेटको क्षतिमा आफ्नो लक्ष हात पारेको छ। कैलालीको तर्फबाट शेर मल्लले ६.५ ओभरमा ३२ रन दिदै ५ विकेट र नरिन साउँदले ६ ओभरमा १६ रन दिदै १ विकेट हात पार्दा पनि कञ्चनपुरले सहजै जित हात पारेको हो।

कार्तिक २४ गते बुधबार देखि कञ्चनपुर जिल्ला क्रिकेट संघको आयोजनामा संचालन भएको छनौट प्रतियोगिता बुधबार मंसिर १ गते भब्यताका साथ सम्पन्न भएको छ। समापन कार्यक्रमका सभापति कञ्चनपुर जिल्ला क्रीकेट संघका अध्यक्ष बिरेन्द्र बहादुर चन्द ,प्रमुख अतिथि बेदकोट नगरपालिका मेयर अशोक कुमार चन्द,विशिष्ट अतिथिमा सुदूरपश्चिम क्रीकेट संघ अध्यक्ष हरि रेग्मी , कञ्चनपुर जिल्ला खेलकुद विकास समिति अध्यक्ष ओम बस्नेत अतिथिमा वाई वाई प्रतिनिधि हेमराज भट्ट लगायत खेल प्रेमीहरु को उपस्थिति रहेको थियो।

प्रतियोगिताबाट उत्कृष्ठ खेलाडीहरुमध्ये वाई वाई यू-१९ राष्ट्रिय प्रतियोगिताको लागि सुदूरपश्चिम प्रदेशको टिमको लागि खेलाडी छनोट गरिने छ। जस बाट सुदूरपश्चिम प्रदेश टिम सहभागिता का लागि सदस्य रहनेछन् ।

प्रतियोगितामा सुदूरपश्चिम प्रदेशका ९ वटा जिल्लामा ८ टिमको सहभागिता रहेको छ। जसमा कञ्चनपुर, कैलाली, डडेल्धुरा, बैतडी, दार्चुला, अछाम, बझाङ र डोटी रहेका थिए । प्रतियोगिता संचालनका लागि टिमलाई दुई समुहमा विभाजन गरीएको र समुह ‘क’ मा कञ्चनपुर, डडेल्धुरा, अछाम र डोटी र समुह ‘ख’मा बैतडी, कैलाली, बझाङ र दार्चुलाले सहभागिता जनाएको थियो।