झलारी : राधाकृष्ण मन्दिरलाई सुविधा सम्पन्न बनाउने उद्देश्यले शुक्लाफाँटा नगरपालिका–११ अमरपुरमा आज देखि झलारी–अमरपुर शुक्लाफाँटा धार्मिक महोत्सव सुरु भएको छ । महोत्सव कात्तिक २० गतेदेखि सञ्चालन भै २७ गते सम्पन्न हुने छ । महोत्सवमा इश्वर शरण महाराजले दैनिक प्रवचन दिने कार्यक्रम रहेको छ । कार्यक्रमअनुसार प्रत्येक दिन बिहान ७ देखि ८ बजेसम्म पूजा–पाठ तथा पाठ परायण, बिहान १० देखि दिउँसो ४ बजेसम्म कक्षा प्रवचन र झाँकी प्रदर्शन, र साँझ ७ देखि ११ बजेसम्म कथा प्रवचन, भजन–कीर्तनलगायतका धार्मिक कार्यक्रम सञ्चालन हुने छन् ।
राधाकृष्ण मन्दिरलाई सुविधा सम्पन्न, स्मार्ट पार्क, आधुनिक सत्संग भवन निर्माण गर्ने तथा धार्मिक पर्यटकीय स्थलका रूपमा विकास गर्ने उद्देश्यका साथ महोत्सवको आयोजना गरिएको आयोजक समितिका संयोजक नन्द सिंह सुनारले बताउनुभयो । “हाम्रो सपना यस क्षेत्रलाई धार्मिक र पर्यटकीय केन्द्रका रूपमा विकास गर्ने हो,” उहाँले भन्नुभयो, “त्यसकै परिकल्पना गरी महोत्सव आयोजना गरेका छौं, महोत्सवमा सङकलित रकम पर्यटकीय क्षेत्रको विकासमा खर्च गर्छौ ।”
“धार्मिक पर्यटकीय क्षेत्रको विकासले यस क्षेत्रका बासिन्दाको आयस्तर बढछ, खेर गैरहेको जग्गा अतिक्रमण हुनबाट जोगिन्छ, सार्वजनिक जग्गाको सदुपयोग हुन्छ” आयोजक समितिका कोषाध्यक्ष राम बहादुर चुनाँराले भन्नुभयो । महोत्सव उद्घाटन समारोहमा सहभागी नगररपालिकाका पूर्व नगर प्रमुख दिल बहादुर ऐरले धार्मिक पर्यटकीय क्षेत्रको विकासका लागि गरिने महोत्सव लगायतका गतिविधिले समाजमा सकारात्क सन्देश जाने बताउनु भयो ।
“यस कार्यले हराउदै गएको धार्मिक संस्कार जोगाउन मद्दत पुरयाउ छ” उहाँले भन्नुभयो, “धार्मिक पर्यटकीय क्षेत्रको विकासमा टेवा पुरयाउ छ ।” महोत्सव उद्घाटन अघि कलुवापुर–झलारी बजार क्षेत्रमा कलशयात्रा गरी थियो ।्उदघाटन कार्यक्रमका प्रमुख अतिथिमा पूर्व शुक्लाफाँटा नगरप्रमुख दिलबहादुर ऐर,, विशिष्ट अतिथि संकल्पकर्ता इश्वर शरण महाराज, सामाजिक अभियन्ता तथा अधिकारकर्मी रामबहादुर चुनारा, वडाअध्यक्ष, कार्यपालिका सदस्य, राष्ट्रिय कलाकार, आचार्य, पत्रकार, सुरक्षाकर्मी, समाजसेवी, बुद्धिजीवी, भक्तजन, महिला, पुरुष, विद्यार्थी, युवा तथा बृद्ध–बृद्धाको उपस्थिति रहेको थियो । महोत्सवका आयोजक रामबहादुर चुनाराले स्वागत मन्तव्य राख्नुभएको थियो भने कार्यक्रम सञ्चालन सचिव कमल विकले गर्नुभएको थियो । आयोजक समितिले महोत्सवको आम्दानी मन्दिर निर्माण तथा सत्संग भवनको स्थायी विकासमा प्रयोग गरिने जनाएको छ ।
