कञ्चनपुर : कञ्चनपुर जिल्लाकोे ट्राफिक इन्चार्जको जिम्मेबारीमा आएका प्रहरी निरीक्षक इन्चार्ज वलेन्द्र नाथले ट्राफिक व्यवस्थापन चुस्तदुरुस्त पार्ने प्रतिबद्धता व्यक्त गरेका छन । हालै ईलाका प्रहरी कार्यालय टीकापुरबाट सरुवा भई जिल्ला ट्राफिक प्रहरी कार्यालय कञ्चनपुरको जिम्मेबारीमा आएका इन्चार्ज नाथले दुर्घटना भई मानविय भौतिक क्षतिबाट रोक्ने कार्यक्रम संचालन गर्ने समेत बताए ।
उनले ट्राफिक समस्याग्रस्थ क्षेत्रमा उपलब्ध स्रोत साधन प्रयोग गरेर अघि बढ्ने बताए । ट्राफिक सचेतनाका लागि समुदाय, सरोकारवाला निकायको समेत सहयोग, समन्वय आवश्यक रहेको औल्याएका छन । सिद्धनाथ विज्ञान क्याम्पसका पुर्व विद्यार्थी एव सुप प्रदेशकै स्थानीय भएकाले उनीमाथि नागरिकले समेत ट्राफिक व्यवस्थापन प्रभावकारीमा अपेक्षा राखेका छन ।
