कञ्चनपुर — भीनपा–१० तिलकेनीका एक दम्पतीले छोरीको जन्मदिनको अवसरमा विद्यालयका विद्यार्थीलाई स्टेशनरी सामग्री वितरण गरेका छन्।
खगेन्द्र साउँद र दृष्टि श्रेष्ठ साउँद दम्पतीले छोरी सारभिका साउँदको पाँचौँ जन्मदिनको अवसरमा श्री सरस्वती विद्या निकेतन, भीनपा–१० का ६८ जना विद्यार्थीहरूलाई कापी, कलम, पेन्सिल, इरेजर, कटर लगायतका सामग्री वितरण गरेका हुन्। सारभिका साउँद हाल किर्तिपुरस्थित प्रयास एकेडेमीमा कक्षा युकेजीमा अध्ययनरत छिन्।
विद्यालयका संस्थापक अध्यक्ष जनक राज जोशीले अहिले जन्मदिन होटल वा पार्टीमा तडकभडकका साथ मनाउने चलनबीच यसरी विद्यालयमा आएर सहयोग गर्नु प्रशंसनीय कार्य भएको बताएका छन्। उनका अनुसार, “यस्तो सानो सहयोगले पनि विद्यार्थीहरूमा खुशी र प्रेरणा जगाउँछ।”
सो अवसरमा विद्यालयका प्रधानाध्यापक पदम ओझा, विद्यालय व्यवस्थापन समिति अध्यक्ष विर दत्त जोशी, वडा सदस्य हर्कराज गिरी, समाजसेवी कमान बहादुर पाल लगायत स्थानीयवासीहरूको उपस्थिति रहेको थियो।
