हेमा भट्ट / काठमाडौं — संयुक्त उत्पीडित जातीय मोर्चा नेपाल केन्द्रीय तदर्थ समितिले ३१औं विश्व आदिवासी दिवस र हिन्दू ब्राह्मण समुदायको पहिचान पर्व जनैपूर्णिमाको अवसरमा सबैलाई शुभकामना व्यक्त गरेको छ।
मञ्चले आदिवासी/मूलवासीहरूको आत्मनिर्णय अधिकार र दिगो विकासमा जोड दिनु आवश्यक रहेको उल्लेख गर्दै नेपाल सरकारले संवैधानिक र कानुनी व्यवस्था प्रभावकारी रूपमा लागू गर्नुपर्ने माग गरेको छ । यसैगरी, मोर्चाले हिन्दू धर्मको जनैपूर्णिमा पर्व ब्राह्मण समुदायको पहिचानसँग जोडिएको भए पनि सामाजिक सद्भाव र सम्मानको वातावरण बनाउन सबै जाति समुदायलाई आह्वान गरेको छ ।
संयोजक उपेन्द्रलाल कामीले सबै उत्पीडित जाति समुदायलाई साझा राजनीतिक, सामाजिक र आर्थिक रुपान्तरणको अभियानमा एक भएर अघि बढ्न अपील गरेका छन्।
