कञ्चनपुर : कञ्चनपुरको रेडियन्ट माद्यमिक विद्यालयमा शैक्षिक सत्र २०८२ को प्रथम त्रैमासिक परीक्षा आज बुधबारबाट सुरु भएको छ । उक्त परीक्षामा विद्यालयमा अध्ययनरत कक्षा नर्सरी देखि कक्षा १० सम्मका विद्यार्थीहरुको सहभागिता रहेको छ ।

विद्यार्थीहरुको शैक्षिक मूल्याङ्कन तथा शैक्षिक मापन गर्नका लागि त्रैमासिक परीक्षा सञ्चालन गरिएको र उक्त परीक्षाले विद्यार्थीहरुको शैक्षिक गुणस्तर सुधार गर्न सहयोग पुग्ने विद्यालयका प्रिन्सिपल सूर्य बहादुर चन्दले बताउनुभयो । साथै उहाँले परीक्षाको पहिलो दिन मर्यादित वातावरणमा परीक्षा सम्पन्न भएको र परीक्षा अवधिभर परीक्षालाई शान्त, निष्पक्ष, मर्यादित र अनुशासित वातावरणमा सञ्चालन गरिने बताउनुभयो ।