आकाश बोहरा / कञ्चनपुर : भीनपा १७ मझगाँउ स्थित महाकाली बाल विद्यालयको वार्षिक खेल सप्ताह २०८१ शुरु भएको छ । पुस २१ गते बाट शुरु भएको खेल पुस २७ गते सम्म रहने छ । पढाईको साथै विद्यार्थीहरुको चौतर्फी विकासको लागि र उनीहरुमा लुकेको प्रतिभा पहिचानको लागि प्रत्येक वर्ष खेल सप्ताह मनाउने गरेको विद्यालयका प्रधानाध्यापक हर्क बहादुर जागिरेले बताए ।
प्रत्येक वर्ष मनाईने खेल सप्ताह यस वर्ष पनि आज बाट शुरु भएको हो । विद्यार्थीहरुलाई थप हौसला र उनीहरुमा लुकेको प्रतिभा अगाडी ल्याउन पनि खेल उत्तम माध्यम रहेको छ । कक्षा नर्सरी देखि १० सम्म पढाई हुने महाकाली बाल विद्यालयमा ४०० जना विद्यार्थी रहेका छन् । खेलमा उत्कृष्ठ हुने छात्र छात्रालाई प्रमाण पत्र सहित सम्मान गरिने छ ।
आईतबार बाट शुरु भएको खेल सप्ताहामा विद्यालय व्यवस्थापनका अध्यक्ष यज्ञराज चटौतको अध्यक्षतामा भएको थियो । विद्यालयका सदस्य राजेश ठकुराठीले शुभकामना मन्तव्य राख्नु भएको थियो, कार्यक्रमको सञ्चालन प्रधानाध्यापक हर्क बहादुर जागरीले गर्नु भएको थियो ।
