कञ्चनपुर : त्रिभुबन विश्वविद्यालयका कुलपति समेत रहेका प्रधानमन्त्री केपी शर्मा ओली बिरुद्धमा सात विद्यार्थी संगठन आन्दोलित भएका छन । त्रिवि कुलपति समेत रहेका प्रधानमन्त्री ओली बिरुद्धमा सात विद्यार्थी संगठन आन्दोलित भएका हुन । अखिल क्रान्तिकारी केन्द्रीय सदस्य तथा कञ्चनपुर संयोजक भुवन सिह विष्टले प्रधानमन्त्री ओलीले त्रिविका उपकुपति प्राडा केशरजंग बरालले सिनेटमा नीति, कार्यक्रम पेश गर्दा ल्याउन नदिएपछि विद्यार्थी संगठनहरुले बाध्य भएर आन्दोलनमा उत्रिएको बताए ।
क्रान्तिकारी नेता विष्टले अखिल क्रान्तिकारी सहित अनेरास्ववियु, अखिल समाजवादी, अखिल छैटौँ, समाजवादी विद्यार्थी यूनियन, नेपाल समाजवादी विद्यार्थी यूनियन, नेपाल विद्यार्थी युनियनले कञ्चनपुर महेन्द्रनगर सिद्धनाथ विज्ञान क्याम्पस महेन्द्रनगरमा प्रधानमन्त्री ओली बिरुद्ध कालो ब्यानर टाँस्नुका साथै देशैभरी आन्दोलन गरिएको बताए । क्रान्तिकारी नेता विष्टका अनुसार प्रधानमन्त्री ओलीले त्रिविको नीति, कार्यक्रम रोकेर विश्वविद्यालयको उन्नती प्रगतिमा गरेको कु बिरुद्धमा ब्यानर टाँसेर चेतावनी स्वरुप आन्दोलन गरिएको छ ।
‘हामी समग्र विद्यार्थीको आन्दोलनलाई सरकारले नजर अन्दाज गरे त्यसको प्रतिफल नराम्रो हुन्छ, ‘उनले भने, ‘हामी अहिले खबरदारी गरेर नै सरकारले त्रिवि सहितका समग्र विश्वविद्यालयको हित विपरितका कदमबाट ब्याक हुन अनुरोध गछौँ ।’
