पहिलो पटक बौद्धिक अपांगता अवस्थाका ब्यक्तिहरुको विपदको समयमा पुर्व तयारी योजना संबन्धि तालिम भर्चुअल माध्यमबाट सम्पन्न

 

बौद्धिक अपांगता अवस्थाका व्यक्तिहरुको विपदको समयमा पुर्व तयारीको योजना तथा ड्रिल सम्बन्धी तालिम सम्पन्न भएको छ । डाउन सिण्ड्रोम समाज नेपालले पहिलो पटक यही जेठ ३ गतेबाट सञ्चालन गरेको बौद्धिक अपांगता भएका ब्यक्तिहरुले बिपदको समयमा अपनाउनु पर्ने पुर्व तयारी योजना तथा ड्रिल सम्बन्धी ६ दिने तालिमको आज आईतबार समापन गरिएको हो ।

बौद्धिक अपांगता अवस्थाका ब्यक्तिहरुले बिपदको समयमा घर वा बिध्यालयमा रहंदा तथा ब्यक्तिगत तहमा अपनाउनु पर्ने पुर्व तयारीको योजना तथा ड्रिलसम्बन्धी तालिम दिईएको थियो । तालिममा ४५ जनाले भाग लिएकोमा १० जना संबन्धित क्षेत्रका पर्यवेक्षकहरु र १७ जना बौद्धिक अपांगता अवस्थाका ब्यक्तिहरु १७ जना अभिभावक ११ जना शिक्षक तथा स्थानिय स्वयंसेवक उद्दारकर्मीहरुको सहभागिता रहेको थियो । कार्यक्रमको पहिलो दिन डाउन सिण्ड्रोम समाज नेपालका कानुनी सल्लाहकार मुकुन्दहरी दाहालले अपांगतासंग सरोकार राख्ने राष्ट्रिय तथा अन्तर्राष्ट्रिय कानुनी आधारहरुको बारे जानकारी गराउनु भएको थियो । बिपदको तयारी तथा ड्रिलहरुको छलफल तथा अभ्यास संचालन बिषय बिज्ञ सुवास थापाले गर्नु भएको थियो । सहभागी सबैको अनुभव र सिकेका कुराहरु आदानप्रदान तथा प्रमाणपत्र बितरण सहित कार्यक्रमको समापन गरिएको थियो ।

उक्त कार्यक्रमले बौद्धिक अपांगता अवस्थाका ब्यक्तिहरु उनीहरुका अभिभावक शिक्षक तथा स्थानिय स्वयंसेवक उद्दारकर्मीहरुलाई लक्षित गरेको थियो । त्यस पछिको बांकि दुई दिन बौद्धिक अपांगता अवस्थाका ब्यक्तिहरुसंगको अन्तरकृया र अभ्यासमा आधारीत थियो । उक्त अन्तरकृयामा बौद्धिक अपांगता अवस्थाका ब्यक्तिहरुले आफुले बुझेको कुराहरु अपत्यारीलो ढंगबाट ब्यक्त गरी उपस्थित सबैलाई चकित बनाएका थिए ।

छ दिनको उक्त कार्यक्रमले अपांग समावेशि बिपद जोखिम न्युनिकरणको राष्ट्रिय अभियानमा नयां आयाम थपेको कार्यक्रममा प्रमुख संयोजक सुवास थापाले बताउनु भयो । वहांका अनुसार कार्यक्रममा देशको बिभीन्न स्थानहरुबाट सहभागी हुनुभएका शिक्षक तथा अभिभावकहरुले आफ्नो परीवार तथा बिध्यालयमा गरीनुपर्ने तयारीको बिबिध पक्षहरुको ब्यवहारीक तथा शैद्धान्तिक ज्ञान पर्याप्त मात्रामा प्राप्त गर्नु भएको छ र यसको समय समयमा अभ्यास गराई बच्चाहरुमा पनि बिपदको समयमा गर्नुपर्ने कार्यहरु बारे स्पष्टता ल्याउन जरुरी भएको बताए ।

सहभागी बौद्धिक अपांगता अवस्थाका ब्यक्तिहरुले पनि बिपदको समयमा पहिला आफुलाई जोगाउनु पर्छ र शुरक्षित भएपछि बाहिर निस्कने क्रममा आफ्नो गोब्याग झटपट झोला साथमा लिई निस्कनु पर्छ भनेर स्पष्ट बुझेका र साथै गोब्याग कसरी तयार गर्ने भनेर पनि बुझेको छन् । साथै उनीहरुले बिपदको हरेक चरणमा गर्नुपर्ने कार्यहरुको ड्रिल समेत जुमको माध्यमबाट प्रदर्शन गरेका थिए ।

डाउन सिण्ड्रोम समाज नेपालकि अध्यक्ष शिला थापाले बौद्धिक अपांगता क्षेत्रको लागी यो ठुलो उपलब्धि भएको र उक्त छ तालिमले सोचे भन्दा धेरै नै उत्साहजनक नतिजा दिएको बताए । कतिपय अभिभावकहरुले आफ्नो बच्चाले केहि बुझ्दैन र केहि गर्न सक्दैन भन्ने धारणा राख्ने गरेकोमा बच्चाहरुले २०७२ को महाभुईचालोको आफ्नो अनुभवको कुरा गरेर कार्यक्रमलाई अझै आकर्षक र रोमाञ्चक बनाएका थिए । साथै भुईचालोको बिषयमा छलफल चलिरहेकै बेला ५ गते बिहान आएको भुईचालोमा सहभागी बच्चाहरुले आफुले सिकीरहेको कुरा सम्झाएको पनि अभिभावकहरुले सुनाए ।

अध्यक्ष थापाले आफ्नो संस्थामा यस बिपद जोखिम न्युनिकरण तथा ब्यवस्थापन क्षेत्रमा लामो अनुभव भएको ब्यक्ति रहनुभएको कारण अव भविष्यमा यस कार्यक्रमलाई अझै सशक्त र बृहत बनाई सबै अपांगता क्षेत्रलाई समेटि अगाडि बढाउने र आउंदा दिनहरुमा बिपदको कारण अपांगता क्षेत्रमा हुने क्षति लाई न्युनीकरण गर्ने आफ्नो लक्ष रहेको बताए । उहांले २०७२ सालको महा भुकम्पको समयमा आफ्नो श्रीमानको छावनी स्थित ब्यारेकमा बसेर धेरै घरबारबिहीन भएका व्यक्तिलगायत सबै किसिमको अपांगता अवस्थाका ब्यक्तिहरुको सेवा गर्ने मौका मिलेको र त्यसबाट उद्दार सामाग्रीहरु संकलन र बितरणमा धेरै नै अनुभव प्राप्त भएको बताए । अध्यक्ष थापा अस्ट्रेलियन आलुम्नाई समेत हुनुहुन्छ र यो कार्यक्रम अस्ट्रेलियन आलुम्नाईको सहयोगमा संचालन भएको थियो ।

LEAVE A REPLY

Please enter your comment!
Please enter your name here

ताजा समाचार

दोधारा–चाँदनीमा धानरोपाई गर्ने क्रममा सर्पदंशबाट पुरुषको मृत्यु

कञ्चनपुर : कञ्चनपुरको दोधारा चाँदनीमा सर्पले टोक्दा एक पुरुषको ज्यान गएको छ । दोधारा चाँदनी –८ बस्ने वर्ष ४७ का दुर्गा बहादुर थापाको आज...

खैरो हिरोइन सहित युवक पक्राउ

कञ्चनपुर : जिल्ला प्रहरी कार्यालय कञ्चनपुरले बेलौरी नगरपालिका –८, पचुई बाट लागु औषध सहित एक युवक पक्राउ गरेको छ । पैदल हिन्दै गरेका वर्ष ३०को...

भीमदत्तद्धारा विशेषज्ञ डाक्टरको परिश्रमीकका लागि महाकाली अस्पताललाई १० लाख सहयोग

महेन्द्रनगर :  कञ्चनपुरको भीमदत्त नगरपालिकाले महाकाली प्रादेशिक अस्पताललाई १० लाख रुपयाँ सहयोग गरेको छ । दुई जना विशेषज्ञ डाक्टरको सेवा सुविधाका लागि उत्त रकम...

सरकारले चुरे पहाड उत्खनन् गरेर भारतमा ढुङ्गागिट्टी बालुवा बेच्ने योजना अघि सारेकै बेला कञ्चनपुरको चुरे दोहनले बस्तीमा वितण्डा

कञ्चनपुर : सरकारले चुरे पहाड उत्खनन् गरेर भारतमा ढुङ्गागिट्टी बालुवा बेच्ने योजना अघि सारेकै बेला कञ्चनपुरको चुरे दोहनले बस्तीमा वितण्डा विकास सिह महता सरकारले...

कञ्चनपुरका पत्रकारलाई स्वास्थ्य सुरक्षा समाग्री वितरण

कञ्चनपुर :  दोस्रो लहरमा बढ्दै गएको कोरोना महामारीका बेला समाचार संकलनमा खटिएका कञ्चनपुर जिल्लाभरीका पत्रकारलाई स्वास्थ्य सुरक्षा समाग्री वितरण गरिएको छ । नेपाल पत्रकार...