पूनर्वास
कोरोना महामारीको चेन तोड्नका लागि जिल्ला प्रशासन कार्यालय कञ्चनपुरले जारी गरेको निषेधाज्ञा तथा लकडाउन प्रभावकारी बनाउन स्थानीय तह समेत सकृय भईरहेको बुझिन्छ । पूनर्वास नगरपालिका ९ नम्बरले सीमा क्षेत्रमा लकडाउन प्रभावकारी बनाउन अनुगमन जारी राखेको छ ।
वडाध्यक्ष नारायण जैसीकै नेतृत्वमा सुरक्षाकर्मी सहित वडा समितिका पदाधिकारीले स्थलगत अनुगमन गर्दै सीमा क्षेत्रमा रहेका पसल तथा अनावश्यक सडकमा हिडडुल गर्नेहरुलाई सम्झाई बुझाई गर्दै सचेतनामुलक कार्यक्रम संचालन गरेको छ । पूनर्वास नगरपालिका ९का वडाध्यक्ष नारायण जैसीले महामारीबाट बाँच्नका लागि वडाले सीमाक्षेत्रदेखि बस्तीसम्म सचेतनामुलक कार्यक्रम एव लकडाउन प्रभावकारी बनाउने अभियानमा जुटेको बताए ।
‘हामी सीमाबासी अत्यन्तै जोखिममा छौँ, ‘उनले भने, ‘त्यसैले समयमै सचेतनामुलक कार्यक्रममा जुटेका हौँ ।’ मास्क, सेनिटाईजर वितरणदेखि सम्झाई बुझाई सचेतनामुलक कार्यक्रम संचालन गरिरहेको बताए । अभियानबाट नागरिक समेत सचेत हुने वडाध्यक्ष जैसीको दावि छ ।
