दोधारा
केही दिन अघि सडक दुर्घटनामा मृत्यु भएका दोधारा चाँदनीका एक शिक्षक गोबिन्द नोपलीको परिवारजनलाई दोधारा चाँदनी नगरपालिका कार्यालयले आर्थिक सहयोग गर्ने भएको छ् । आफन्तलाई उपचार गरेर घर फर्केने क्रममा भारतको उत्तराखण्ड क्षेत्रको झनकैया सडक खण्डमा सडक दुर्घटनामा केही दिन अघि मृत्यु भएका दोधारा चाँदनी नगरपालिका वडा नं. ७ निवासी तथा श्री लक्ष्मी माध्यमिक बिद्यालयका शिक्षक गोबिन्द नेपालीलाई रु.१ लाख नगद रकम सहयोग गर्ने भएको दोधारा चाँदनी नगरपालिकाका नगर प्रबक्ता दिल बहादुर सिजालीले जानकारी दिएका छन् ।
मृतक शिक्षक गोबिन्द नेपाली लामो समय देखि लक्ष्मी माध्यमिक बिद्यालयमा शिक्षण पेशामा रहदै आएका थिए । शिक्षक गोबिन्दको मृत्युले समाजले अपूरणीय क्षती ब्यहोर्नु परेको भन्दै समाजले एक अतिमिलनसार, लगनशिल तथा मेहनती शिक्षक गुमाएको बताउदै दोधारा चाँदनी नगरपालिका नगर कार्यपालिकाले शोक ब्यक्त समेत गरेको बताईएको छ् । दोधारा चाँदनी नगरपालिकाका नगर प्रबक्ता दिल बहादुर सिजालीले शिक्षक गोबिन्द नेपाली एक समाजको लागी होनहार शिक्षक रहेको बताएका छन् ।
समाजले एक अतिमिलनसार, लगनशिल तथा मेहनती शिक्षक गुमाएको नगर प्रबक्ता दिल बहादुर सिजालीले बताएका छन् । समाजको लागी शिक्षक गोबिन्दको देहान्तले अपूरणीय क्षती भएको भन्दै शोकाकुल परिवारमा धर्यधारण गर्ने शक्ती ईश्वरले प्रदान गरुन भन्ने कामना समेत गरिएको नगर प्रबक्ता सिजालीले बताए ।