कञ्चनपुर,
जनता सँग जनप्रतिनिधि कार्यक्रममा नेपाल कम्युनिष्ठ पार्टी (नेकपा)ले भीमदत्तनगरपालिकाका विभिन्न वडाहरुमा जनताका गुनासा साथ साथै घरदैलो कार्यक्रमको आयोजना गरेका छन् । 
वडा नं. ७ र ८ को वडा कमिटीले आयोजनागरेको उक्त कार्यक्रममा जनप्रतिनिधीको तर्फबाट प्रतिनिधि सभाका सदस्य डा.दिपक प्रकाश भट्ट, सुदूरपश्चिम प्रदेश सभा सदस्य पूर्व वन तथा वातावरण मन्त्री प्रकाश रावल, टोली सँग भीनपा ७ र ८ का जनताको जनगुनासो सुन्नको साथै त्यहाँको समस्या समाधानको लागि आफुहरुले पहल गर्ने बताएका थिए ।
संघिय सभासद डा. दिपक प्रकाश भट्टले जनगुनासोको जवाफमा भने संघियता नेपालकोलागि पहिलो भएकोले पहिलो वर्ष कानुन पास गर्नुपर्ने भएकोले भेटघाट गर्न जनताको घर दैलोमा पुग्न नसकेको र पछिल्लो समय कोभिड–१९ले गर्दा विश्व नै अक्रान्त भएको बेला हामी पनि त्यस बाट अछुतो रहन सकेनौं । जसले हामीलाई पनि प्रत्यक्ष असर पारेको छ तर कोरोना भन्दै चुप लागेर बस्न सक्ने अवस्था रहेन त्यसैले सुदूरपश्चिमको विकासको ढोकाको रुपमा रहेको सुख्खा बन्दरगाह, जैविक धार्मीक पर्यटन मार्गको काम अगाडि बढाएको, गौचरनमा रहेको एयरपोर्ट सञ्चालनमा ल्याउने तयारी रहेको र आफुले चुनावमा गरेको महाकाली अस्पताललाई टिचिङ्ग अस्पताल बनाउने योजनामा आफु लागिरहेको उनले बताए ।
त्यसैगरी सुदूरपश्चिम प्रदेशका पुर्व राज्यमन्त्री प्रकाश रावलले विकास नभएको होइन पार्टी कमिटि अधुरो भएका कारण जनप्रतिनिधिले गरेका कार्यलाई जनतासामु लैजान नसक्दा विकास नभएको हो कि भनेर जनताको बुझाई रहेको र तिनैवटा सरकारले गर्ने विकास सबै एउटै हो । जनताले तिरको कर बाट नै जनताको विकास गर्ने हो । जनतामा भएका समस्यालाई हामी जनप्रतिनिधिले अध्ययन गरी समाधान लाई पहिलो प्रथमिकतामा राखेका छौं ।
नहर भन्दा माथिको क्षेत्र आकासे पानीको भरमा सिचाई गर्न बाध्यता थियो त्यसै समस्याको लागी विभिन्न स्थानमा अहिले बोरिङग्को व्यवस्था सँगैं ८० प्रतिशत कार्य सम्पन्न भैसकेको र आगामी दिनमा त्यस कार्यलाई पुर्णता दिने छौ ।
मुख्यमन्त्री रोजगारी योजना अन्तर्गत केराखेतीमा युवाहरुलाई अग्रसर गराई केरामा पुर्ण निर्भरहुने बताए । जनसंख्या बढी रहेको तर जमिनको भाग नबढने भएकाले कृषि पेशालाई आधुनिकीकरण गरेर लैजानु पर्ने उत्पादनका साथ साथै रोजगारीको पनि ग्यारेन्टी हुने उनले बताए ।
कार्यक्रमकामा भीनपा–७ का वडा अध्यक्ष शंकर कुवँरले विकास सग सगै विभिन्न सिपमुलक र आयमुलक कार्यहरु गरी रहेको र उक्त ठाउँको खाने पनी समस्या मुख्य रुपमा रहेको हुदाँ यस क्षेत्रमा विस्तृत अध्ययन प्रतिवेदन (डिपीआर) तय भै सकेको र छिटै त्यसको समाधान हुने बताउनु भयो । त्यसैगरी भिनपा ८ का वडा अध्यक्ष ध्वज बहादुर विष्टले पार्टीको निर्देशन अनुरुप आमजनताको भावना अनुरुप काम गरीरहेको बताए ।
कार्यक्रम नेकपा वडा कमिटी ७ र ८ का अध्यक्ष राम बहादुर धामी र लक्ष्मण भट्टले जनप्रतिनिधीहरुले विकास निर्माणको काम गर्दा गर्दै पनि विरोधका नाममा विरोध गरीरहेको टिप्पणी गरेका छन् । उक्त कार्यक्रममा नगर समिति अध्यक्ष, जिल्ला कमिटि सदस्य, प्रदेश कमिटि सदस्य लगायतको सहभागीता रहेको थियो ।
