केहि महिना अघि मात्रै कञ्चनपुरको कब्जामा रहेको गौरीफण्टा नाकामा पुनर्वास नगरपालिकाले होल्डिङ सेन्टरको स्थापना गरेको छ । आईतवार पुनर्वास नगरपालिकाका नगर प्रमुख जिवनराज थापाले एक कार्यक्रमका बीच डोकेबजारमा होल्डिङ सेन्टरको उद्घाटन गरेको हो । उद्घाटन कार्यक्रममै निड्स नेपालले साझेदारी परियोजना मार्फत पुनर्वास नगरपालिकालाई होल्डिङ्ग व्यवस्थापन गर्न आवश्यक पर्ने सामाग्री पनि नगर प्रमुख थापालाई हस्तान्तरण गरेको छ । होल्डिङ्ग सेन्टरको उद्घाटन गर्दै पुनर्वास नगरका मेयर जिवन थापाले नाकामा समस्या परेका नेपाली तथा भारतीय नागरिकलाई होल्डिङ्ग सेन्टरमा राखी उद्दार गरिने बताए ।

उनले नाकामा ओहोरदोहोर गर्ने नेपाली तथा भारतीय जो सुकै नागरिकलाई कुनै किसिमको पनि दुख हुन नदिन होल्डिङ्ग सेन्टरको स्थापना गरेको बताए । कार्यक्रममा पुनर्वास नेकपा नगर अध्यक्ष पदम पुजारा साथै नेकपा नगर सह इन्चार्ज कचन गिरी त्यस गरि पुनर्वास नगरपालिका प्रवक्ता भारमल सुनार र नेपाल सशस्त्र प्रहरी बल डोकेबजार त्यस गरि पुनर्वास नगरपालिका वडा नम्बर ११ का अध्यक्ष तुलसी अर्याल ,वडा सदस्यहरु र डोकेबजार ब्यावस्थापन समितिका उपाध्यक्ष प्रदिप सिंह लगायतका व्यक्ति उपस्थित थिए ।