सुदूरपश्चिमाञ्चल विश्वविद्यालयले सेनिटाईजर उत्पादन गरेको छ । भीमदत्त नगरपालिकाले कच्चा पदार्थ उपलब्ध गराएपछि सुप विश्वविद्यालय विज्ञान तथा प्रविधि संकायले हेण्ड सेनिटाईजर उत्पादन गरेको हो । विज्ञान तथा प्रविधि संकायक रशायनशास्त्रका प्रा.डा. भवानी चन्द (ठकुरी) नेतृत्वको टिमले सेनिटाईजर उत्पादन गरेर नगरपालिकालाई हस्तान्तरण गरेको छ ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
विश्वविद्यालयका प्रशासन अधिकृत सन्तोष विष्टले कोडिभका कारण विश्वविद्यालयको केन्द्रीय क्याम्पस बन्द भएका कारण खाली रहेको विज्ञानको ल्याब सदुपयोग गरिएको बताए । ‘स्थानीय भीमदत्त नगरपालिकाले अनुरोध गरे बमोजिम विश्वविद्यालयले ३ सय लिटर सेनिटाईजर उत्पादन गरेर नगरपालिकालाई हस्तान्तरण गरेको छ, ‘उनले भने, ‘विश्वविद्यालयले बिक्रिका लागि होईन स्थानीय तहबाट अनुरोध भए बमोजिम खाली रहेको ल्याब सदुपयोग गरेर उत्पादन गरेको हो ।’
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
सेनिटाईजर ग्रहण गर्दै भीमदत्त नगरका मेयर सुरेन्द्र विष्टले सुप विश्वविद्यालयले नयाँ नयाँ तथ्य प्रमाण खोज अनुसन्धान कार्यमा सरिक हुनुपर्नेमा जोडदिदै नगरपालिकाका तर्फबाट सहयोग गर्ने बचन दिए । विश्वविद्यालयलाई नियमित पठन पठानका अतिरिक्त खोज अनुसन्धान तर्फ समेत सरिक गराउनुपर्नेमा मेयर विष्टको सुझाव छ ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)