वीरेन्द्र सैनिक अस्पताल छाउनीमा कार्यरत सेनाका प्युठ डम्बरबहादुर विष्टको डिउटीकै वेला गोली लागेर मृत्यु भएको छ । गए राति १२ बजे आफैँले बोकेको एसएलआरबाट उनले आत्महत्या गरेको सेनाले जनाएको छ ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
अस्पतालको सुरक्षामा खटिएका उनले डिउटी परिवर्तन हुने समयमा आफैँलाई गोली हानेका थिए । उनको घटनास्थलमै मृत्यु भएको थियो । शव पोष्टमार्टमका लागि लगिएको छ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
सैनिक प्रवक्ता सहायक रथी विज्ञानदेव पाण्डेका अनुसार डिउटी फेर्ने समयमा अर्का सिपाही शौचालय गएका वेला उनले आफैँलाई गोली हानेका हुन् । विष्ट अस्पतालमा तालिमरत समेत थिए।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
उनका आफन्त समेत सोही अस्पतालमा कार्यरत छन्। सेनाले घटनाको अनुसन्धान गरिरहेको पाण्डेले बताए।
![](https://esudurdarpan.com/wp-content/uploads/2024/01/Belndai.jpg)