महेन्द्रनगर : सुदूरपश्चिम प्रदेश स्तरीय बाह्रसिंगा ब्याडमिन्टन प्रतियोगिताको उपाधी राम शोहरा र राजेन्द्र बमको जोडीले जितेको छ । महेन्द्रनगर स्थित कवर्डहलमा सम्पन्न फाइनल खेलमा भोजराज भट्ट र गणेश मिश्रको जोडीलाई पराजित गर्दै रु ४४ हजार ४४४ रुपैयाँ नगद, ट्रफीसहित उपाधि जितेको हो । प्रतियोगितामा उप विजेता बनेको भोजराज भट्ट र गणेश मिश्रको जोडीलाई नगद रु २२ हजार २२२ रुपैयाँ नगद, ट्रफी र प्रमाणपत्रसहित पुरस्कृत गरिएको छ ।
तेस्रो हुने कमल सिंह भाट,विवेक ऐरको जोडी र जीवन खड्का अमित शाहको जोडीलाई रु ११ हजार १११ नगद ट्रफी र प्रमाणपत्रसहित पुरस्कृत गरिएको छ । त्यसैगरी प्रतियोगितामा भेट्रान तर्फ भोजराज भट्ट र विरेन्द्र सिंह विष्टको जोडीले उपाधी जितेको छ । आज भएको फाइनल खेलमा सुरेन्द्र कार्की र शैलेन्द्र श्रेष्ठको जोडीलाई पराजित गर्दै भट्ट र विष्टको जोडीले रु १५ हजार ५५५ नगद, ट्रफी र प्रमाणपत्रसहित पुरस्कृत गरिएको छ । उपविजेता बनेको सुरेन्द्र कार्की र शैलेन्द्र श्रेष्ठको जोडीले रु ७ हजार ५५५ नगद,ट्रफी र प्रमाणपत्रसहित पुरस्कृत गरिएको छ ।
प्रतियोगितामा तेस्रो हुने प्रेम चन्द,पदम ठकुराठीको जोडी र सुरेन्द्र प्रसाद भट्ट,ईश्वरी दत्त भट्टको जोडीलाई रु ५ हजार ५५५ नगद, ट्रफी र प्रमाणपत्रसहित पुरस्कृत गरिएको छ । प्रतियोगिताको समापन समारोहमा कञ्चनपुर क्षेत्र नम्बर २ का प्रतिनिधिसभा सदस्य दीपक बोहराले विजेता तथा उपविजेता खेलाडीहरुलाई पुरस्कृत गर्नुभयो । पश्चिमपाटी मिडियाले आयोजना गरेको प्रथम सुदूरपश्चिम प्रदेश स्तरीय बाह्रसिंगा ब्याडमिन्टन प्रतियोगितामा बी’ लेभलमा ४८ वटा टीम र भेट्रानमा ३२ वटा टीमको सहभागीता रहेको प्रतियोगिता संयोजक शेरवहादुर सिंहले जानकारी दिनुभयो । कञ्चनपुर स्थित शुक्लाफाँटा राष्ट्रिय निकुञ्जको प्रख्यात बाह्रसिंगाको प्रवद्र्धन गर्नका लागि पहिलो पटक सुदूरपश्चिम प्रदेश स्तरीय बाह्रसिंगा ब्याडमिन्टन प्रतियोगिता आयोजना गरिएको हो ।
