कञ्चनपुर । कञ्चनपुरको दोधारा चाँदनी नगरपालिकामा डिजिटल प्लेटफार्मको प्रयोग मार्फत जलवायु परिवर्तन सम्बन्धी युवाहरुको क्षमता अभिबृद्धि कार्यक्रम सम्पन्न भएको छ् । दोधारा चाँदनी नगरपालिका कार्यालयको सहकार्य र युनसेफ र नेपाल राष्ट्रिय समाज कल्याण संघ (एनएनएसडब्लुए) कञ्चनपुर अन्तर्गत जलवायु परिवर्तन र सामाजिक व्यवहार परिवर्तन परियोजनाको आयोजनामा एक दिने डिजिटल प्लेटफार्मको प्रयोग मार्फत जलवायु परिवर्तन सम्बन्धी युवाहरुको क्षमता अभिबृद्धि कार्यक्रम सम्पन्न भएको नेपाल राष्ट्रिय समाज कल्याण संघ (एनएनएसडब्लुए) कञ्चनपुर अन्तर्गत जलवायु परिवर्तन र सामाजिक व्यवहार परिवर्तन परियोजनाका कार्यक्रम संयोजक भरत बिकले बताउनुभएको छ् ।
दोधारा चाँदनी नगरपालिकामा रहेका बिद्यालय स्तरिय वाल क्लव, समुदाय स्तर वाल क्लवहरुलाई डिजिटल प्लेटफार्मको प्रयोग मार्फत जलवायु परिवर्तन सम्बन्धी युवाहरुको क्षमता अभिबृद्धिको लागी एक दिने अभिमुखिकरण सम्पन्न गरिएको उहाँले बताउनुभएको छ् । कार्यक्रमा आफ्नो बिचार ब्यक्त गर्दै दोधारा चाँदनी नगरपालिका कार्यालय महिला तथा वालवालिका शाखाका शाखा प्रमुख डम्मरा पन्तले जलवायु परिवर्तनको प्रभाव दोधारा चाँदनी नगरपालिका क्षेत्रमा समेत प्रत्यक्षरुमा देखिएको अवस्थामा समयमै तयारी र अनुकुलनका उपायहरु अवलम्बन गर्न नसकेमा अझै बढी जोखिम बढ्ने बताउनुभयो ।
विपद्को समयमा बढी मार वालवालिकामा पर्ने र अवका वालवालिका प्रबिधी संग जोडिएको अवस्थामा डिजिटल प्लेटफार्मको प्रयोग मार्फत जलवायु परिवर्तन सम्बन्धी युवाहरुलाई ज्ञान दिन आवश्यक रहेको उहाँले बताउनुभएको छ् । जलवायु प्रविधिको विकास र प्रभावकारी उपयोग हुन सकेमा जलवायुजन्य विपद्बाट धनजनको क्षति कम हुने महिला तथा वालवालिका शाखाका शाखा प्रमुख डम्मरा पन्तको भनाई रहेको छ् । जलवायु–संवेदनशील क्षेत्रमा जोखिम व्यवस्थापनका लागि डिजिटल शिक्षा, स्मार्ट उपकरणको प्रयोग र इन्टरनेट पहुचलाई प्राथमिकतामा राख्नु पर्ने बक्ताहरुले बताएका छन् ।
उच्च हिमाली क्षेत्र देखि तटीय क्षेत्र सम्मका स्थानीय समुदायमा जलवायु परिवर्तनका प्रभाव अझ बढी परेको तापक्रम वृद्धि देखि अनियमित वर्षा, हिम नदी पग्लिनु, हावाको प्रदूषण, वातावरणीय क्षति र जैविक विविधताको क्षय जस्ता समस्याले उनीहरुको जीवनयापन, खाद्य सुरक्षा र सांस्कृतिक सम्पत्तिलाई खतरामा पारिरहेको भन्दै वक्ताहरुले चिन्ता व्यक्त गरेका छन् ।
