पप्पु गुरुङ्ग, दोधारा । कञ्चनपुरको दोधारा चाँदनी नगरपालिकाका बिद्यार्थीहरुलाई न्यानो लुगा बितरण गर्ने भएको छ् । चाईना फाउण्डेशनको सहयोग र वातावरण संरक्षण तथा समाज कल्याण संघ नेपाल (पेसवान) र दोधारा चाँदनी नगरपालिकाको सहकार्यमा दोधारा चाँदनी नगगरपालिकामा रहेका २२ वटा सामुदायिक बिद्यालयका २ हजार १ सय ८४ जना बिद्यार्थीलाई न्यानो लुगा बितरण गर्न लागिएको दोधारा चाँदनी नगरपालिकाका मेयर किशोर किशोर कुमार लिम्बुले जानकारी दिनुभएको छ् ।
बाताबरण संरक्षण तथा समाज कल्याण संघ नेपाल (पेशवान) लैगिंक समानाताको लागी व्यवहार परिवर्तन, मानव बेचबिखन तथा ओसारपसार नियन्त्रण (जिविभीएएचटी) परियोजनाका सामाजिक परिचालक छत्र बहादुर देउवाले गरिब तथा विपन समुदायका बालबालिकालाई लक्षित गरी दोधारा चाँदनी नगरपालिकामा रहेका २२ वटा सामुदायिक बिद्यालयमा अध्यनरत वालबिकास कक्षा देखि कक्षा ५ सम्मका बिद्यार्थीहरुलाई ट्रेक सुट, टोपी, पञ्जा, मोजा र गल्बन्दी लगाएत न्यानो कपडा बितरण गर्ने तयारी भईरहेको बताउनुभएको छ् । चिसो सिजनको बेला बालबालिकालाई दैनिक विद्यालय आउनजान सहजको लागी न्यानो कपडा बितरण गर्ने योजना गरिएको उहाँले. बताउनुभयो ।
विद्यार्थीको शैक्षिक गुणस्तर वृद्धिका लागि आगामी दिनमा पनि थप सहयोगको गर्ने संस्थाको तयारी रहेको सामाजिक परिचालक छत्र बहादुर देउवाले बताउनुभएको छ् । दोधारा चाँदनी नगरपालिका कार्यालयमा सञ्चालन भएको बिद्यालयका प्रधानध्यापकको एक बैठकमा बाताबरण संरक्षण तथा समाज कल्याण संघ नेपाल (पेशवान) ले बिद्यार्थीहरुलाई निशुल्क न्यानो कपडा बितरण गर्ने जानकारी दिएको हो ।
बढ्दै गएको चिसोबाट जोगिन न्यानो लुगा निशुल्क रुपमा उपलब्ध गराउने भएपछि आर्थिक अवस्था कमजोर भएका विद्यार्थीहरुले खुशी व्यक्त गरेका छन् ।
