कञ्चनपुर : कञ्चनपुरका औषधी व्यवसायीहरुको साझा संस्था नेपाल औषधी व्यवसायी महासंघले नेपाल पत्रकार महासंघ जिल्ला अध्यक्ष सुरेश सिह धामीकोे उपचारका लागि आर्थिक सहयोग गरेको छ । औषधी व्यवसायी संघ कञ्चपुरले प्रण घातक क्यान्सर रोगबाट पीडित भई भारतको गान्धी क्यान्सर अस्पतालमा उपचारार्थ पत्रकार महासंघका अध्यक्ष धामीको उपचारका लागि आर्थिक सहयोग गरेको हो ।
औषधी व्यवसायी संघ कञ्चनपुरका अध्यक्ष रामचन्द्र बुडाले समाजिक क्षेत्रमा अहोरात्र खटिने पत्रकार धामीको उपचारका लागि नगद ३४हजार, ६५५ हजार रुपैया आर्थिक सहयोग गरेको बताए । मंगलबार अध्यक्ष बुडाले पत्रकार महासंघ कञ्चनपुरका सचिव कुन्दन पाण्डेयलाई अध्यक्ष धामीको खातामा सिधै रकम पठाएको सिलिप बुझाएका छन । नेपाल पत्रकार महासंघ कञ्चनपुरले अध्यक्ष धामीको जिवन रक्षाका लागि स्वदेश तथा विदेशमा रहेका नेपाली दाजुभाई तथा दिदिबहिनीहरुमा सहयोगका लागि अपिल गरेको छ ।
