पप्पु गुरुङ्ग, दोधारा । अवैध लागुऔषध सहित दोधारा चाँदनी नगरपालिकामा युवक पक्राउ परेका छन् । दोधारा चाँदनी नगरपालिका– ९ एक किराना पसलबाट ३.२२ ग्राम खैरो हेरोईन जस्तो देखिने खैरो पदार्थ सहित दोधारा चाँदनी नगरपालिका– १० निवासी वर्ष अन्ताजी ३० का गणेश सुनार पक्राउ परेको ईलाका प्रहरी कार्यालय दोधारा चाँदनीका प्रहरी निरिक्षक कृष्ण सोनीले जानकारी दिनुभएको छ् ।
गणेश सुनार दोधारा चाँदनी नगरपालिका वडा नं. ९ माता टोलमा किराना पसल सञ्चालन गर्दै आएको थिए । ईलाका प्रहरी आधारमा सादा पोशाकमा खटिएको प्रहरीको टोलीले दोधारा चाँदनी नगरपालिका– ९ माता टोलको किराना पसलबाट सुनारलाई खैरो हेरोईन जस्तो देखिने खैरो पदार्थ सहित पक्राउ गरिएको प्रहरी निरिक्षक कृष्ण सोनीले बताउनुभएको छ् ।
यस सम्बन्धमा प्रहरीले थप अनुसन्धान भईरहेको ईलाका प्रहरी कार्यालय दोधारा चाँदनीले जनाएको छ् । दोधारा चाँदनीमा प्रहरी निरिक्षक सोनीको आगमन पछि अवैध लागुऔषध नियन्त्रणमा कडाई गरिएको स्थानियबासीहरुले बताएका छन् । (फाईल तस्विर)
