पप्पु गुरुङ्ग, दोधारा । कञ्चनपुरको दोधारा चाँदनी नगरपालिकामा १८ सय २७ जनाले शिविरमा आँखा जाँच गरेका छन् भने, २ सय ९४ जनाले शल्यक्रिया गराएका छन् । दोधारा चाँदनी नगरपालिकामा च्यारिटी हेल्थ फाउण्डेशन नेपालको सहयोग, वातावरण संरक्षण तथा समाज कल्याण संघ नेपाल (पेसवान) र धनगढी नेत्रालय प्रा.लि. (आँखा अस्पताल) को संयुक्त आयोजना तथा दोधारा चाँदनी नगरपालिकाको सहकार्यमा सञ्चालन भएको निशुल्क आँखा शिविरमा १८ सय २७ जनाले शिविरमा आँखा जाँच गरेका छन् भने, २ सय ९४ जनाले शल्यक्रिया गरिएको बाताबरण संरक्षण तथा समाज कल्याण संघ नेपाल (पेशवान) लैगिंक समानाताको लागी व्यवहार परिवर्तन, मानव बेचबिखन तथा ओसारपसार नियन्त्रण (जिविभीएएचटी) परियोजनाका सामाजिक परिचालक छत्र बहादुर देउवाले बताउनुभएको छ् ।
दोधारा चाँदनी नगरपालिकाको वडा नं. १ देख १० वडा सम्म सञ्चालन भएको निशुल्क आँखा शिविरमा महिला ११ सय ४ र पुरुष ७ सय २३ गरी जम्मा १८ सय २७ जनाले सेवा लिएका थिए । जसमा २ सय ९४ जनाको शल्यक्रिया भएको छ भने ५ सय १८ जनाले चश्मा प्राप्त गरेका उहाँले बताउनुभएको छ् । दोधारा चाँदनी नगरपालिकाका मेयर किशोर कुमार लिम्बुले नगर क्षेत्रमा निशुल्क आँखा शिविर सञ्चालन गरि स्वास्थ्य क्षेत्रमा सघाएको भन्दै च्यारिटी हेल्थ फाउण्डेशन नेपालको सहयोग, वातावरण संरक्षण तथा समाज कल्याण संघ नेपाल (पेसवान) र धनगढी नेत्रालय प्रा.लि. (आँखा अस्पताल) धन्यबाद दिनुभएको छ् ।
आगामी दिनहरुमा यस्ता बिभिन्न सामाजिक कार्यमा वातावरण संरक्षण तथा समाज कल्याण संघ नेपाल (पेसवान) संग सहकार्य गर्दै जाने प्रतिशद्धता जाहेर गर्नुभएको छ् । घर आँगनमा निशुल्क आँखा शिविर सञ्चालन गरेको भन्दै स्थानिबासीहरुले नगरपालिका, च्यारिटी हेल्थ फाउण्डेशन नेपालको सहयोग, वातावरण संरक्षण तथा समाज कल्याण संघ नेपाल (पेसवान) र धनगढी नेत्रालय प्रा.लि. लाई धन्यबाद दिएका छन् ।
