महेन्द्रनगर: कञ्चनपुर जिल्लाको दोधारा चाँदनी नगरपालिकामा राष्ट्रिय स्तरको एन्फा फुटबल रेफ्री प्रशिक्षण तालिमा एक कार्यक्रमका साथ सम्पन्न भएको छ।

कञ्चनपुर जिल्ला फुटबल संघ कञ्चनपुरको आयोजनामा अखिल नेपाल फुटबल संघ (एन्फा) को प्राविधिक सहयोग र दोधारा चाँदनी नगरपालिकाको आर्थिक सहयोगमा एक हप्ताको आवासीय एन्फा रेफ्री प्रशिक्षण कार्यक्रम एक कार्यक्रमका बिच सम्पन्न भएको हो।

जिल्ला फुटबल संघको अथक प्रयासमा दोधारा चाँदनी नगरपालिकाको सभा हलमा कञ्चनपुर जिल्ला फुटबल संघका अध्यक्ष गणेश बहादुर चन्दको सभापतित्वमा दोधारा चाँदनी नगरपालिका नगर प्रमुख किशोर कुमार लिम्बुको प्रमुख आतिथ्यतामा आवासीय राष्ट्रिय स्तरको एन्फा फुटबल रेफ्री प्रशिक्षण तालिम सम्पन्न भएको जिल्ला फुटबल संघका महासचिव नितेश रावलले बताउनु भयो।

उनका अनुसार, सुदूरपश्चिम प्रदेशका कैलाली, कञ्चनपुर, डोटी र लुम्बिनी प्रदेशको बर्दिया जिल्लाका प्रशिक्षार्थीहरुको सहभागिता रहेको उक्त रेफ्री प्रशिक्षण तालिममा ४ महिला र ३० पुरुष गरि ३४ जनाको सहभागीतामा एन्फा रेफ्री प्रशिक्षण तालिम कार्तिक १८ देखि २४ गते सम्म लक्ष्मी माध्यमिक विद्यालय बाबाथान लगायतका क्षेत्रमा ७ दिन सम्म सञ्चालन भएको थियो।
अखिल नेपाल फुटबल संघ (एन्फा) रेफ्री टेक्निकल टिम फिफा पुर्व रेफ्री सचिन अमात्य, फिफा सहायक पुर्व रेफ्री रोजन श्रेष्ठ र शैलेश जोशीले प्रशिक्षण तालिम दिएका थिए।
नगरपालिकामा नै खेलकुद बिकासका लागि महत्वपूर्ण आवासीय फुटबल प्रशिक्षण कार्यक्रम सञ्चालन गर्न विशेष सहयोग गर्नु भएकोमा नगर कार्यपालिका सदस्य सम्पुर्णमा नगर प्रमुख किशोर कुमार लिम्बूले हार्दिक धन्यवाद दिनु समेत भयो। ‘दोधारा चाँदनी नगरपालिकामा पहिलो पटक राष्ट्रिय स्तरको फुटबल रेफ्री प्रशिक्षण तालिम सम्पन्न भएकोमा कञ्चनपुर जिल्ला फुटबल संघ र अखिल नेपाल फुटबल संघ परिवारलाई विशेष धन्यवाद छ, उनले भने समग्र “दोधारा चाँदनीमा पहिलो पटक राष्ट्रिय स्तरको फुटबल रेफ्री प्रशिक्षण तालिम सम्पन्न हुनु गर्वको कुरा हो। यसले खेलकुद विकासमा टेवा पुर्याउनेछ।”
कञ्चनपुर जिल्ला फुटबल फुटबल संघका अध्यक्ष गणेश चन्दले फुटबल बिकासका लागि निरन्तर अथक प्रयास पश्चात् तालिम सम्पन्न भएको छ। रेफ्री अभावको कारण प्रतियोगिता सञ्चालन गर्नसमेत गाह्रो भएको हुँदा अब रेफ्री अभावका कारण प्रतियोगिता सञ्चालनमा समस्या सहज हुने बताए।उक्त तालिमको लागि विशेष सहयोग दोधारा चाँदनी नगरपालिका नगर प्रमुख लगायत नगरकार्यपालिका र प्राविधिक एन्फा टिमलाई समेत धन्यवाद दिनु भयो।
कञ्चनपुर जिल्लाका पालिकाहरु मध्यको खेलकुद बिकासका लागि दोधारा चाँदनी नगरपालिका अग्रपंक्तिमा रहेको पालिका हो। विभिन्न खेलकुदका गतिविधि समेत निरन्तर चलायमान छन्। अबका आगामी दिनमा फुटबल प्रशिक्षक प्रशिक्षण तालिम आर्को महिना सञ्चालन हुने छ।
फोटो फिचर:







