पप्पु गुरुङ्ग, दोधारा । कञ्चनपुरको दोधारा चाँदनी नगरपालिकामा फुटवल रेफ्रि तालिम सम्पन्न भएको छ् । दोधारा चाादनी नगरपालिकाको आर्थिक सहयोग, अखिल नेपाल फुटबल संघ (एन्फा) को प्राविधिक सहयोग र कञ्चनपुर जिल्ला फुटवल संघको आयोजनामा दोधारा चाँदनी नगरपालिका– ७ लक्ष्मी माध्यमिक बिद्यालयको प्रांगणमा सात दिने फुटबल रेफ्री तालिम सम्पन्न भएको कञ्चनपुर जिल्ला फुटवल संघका अध्यक्ष गणेश बहादुर चन्दले बताउनुभएको छ् । बिभिन्न जिल्लाबाट ३४ जनाको तालिमका सहभागी भएका मध्य रेफ्री तालिममा १३ जना उर्तिण भएको उहाँले बताउनुभएको छ् ।
यस क्षेत्रको खेलकुद बिकासको लागी दोधारा चाँदनी नगरपालिकाले देखाएको सहयोग उत्साहजनक रहेको कञ्चनपुर जिल्ला फुटवल संघका अध्यक्ष गणेश बहादुर चन्दले बताउनुभएको छ् । दोधारा चाँदनी नगरपालिका कार्यालयको सभा कक्षमा सञ्चालन भएको फुटवल रेफ्रि तालिम समापन कार्यक्रममा बोल्दै दोधारा चाँदनी नगरपालिकाका नगर प्रमुख किशोर कुमार लिम्बुले बिगतका दिनहरुमा फुटवल खेल सञ्चालन गर्न रेफ्रीको अभाव हल भएको बताउनुभएको छ् ।
रेफ्री प्रशिक्षण तालिमले नगर क्षेत्रमै रेफ्री उत्पादन भएको भन्दै दोधारा चाँदनी नगरपालिकाका नगर प्रमुख किशोर कुमार लिम्बुले खुशी प्रकट गर्नुभएको छ् । दोधारा चाँदनीमा बिभिन्न खाले खेल बिकासको लागी नगरपालिकाले वर्षेनी ठुलो लगानी लगाउदै आएको उहाँले बताउनुभएको छ् । सात दिने फुटबल रेफ्री प्रशिक्षण तालिम ऐतिहासिक रहेको दोधारा चाँदनी नगरपालिकाका नगर प्रमुख किशोर कुमार लिम्बुले बताउनुभएको छ् ।
तालिममा बिभिन्न जिल्लाबाट आाएका सहभागीहरुलाई खान र बस्नको ब्यवस्था गरिएको बताईएको छ् । समापन कार्यक्रममा तालिममा सहभागीहरुलाई प्रमाण पत्र र अखिल नेपाल फुटबल संघ (एन्फा) को चिन्ह प्रदान गरिएको थियो ।
यो तालिम लगत्तै फुटवल कोचको प्रशिक्षणको तयारी भईरहेको कञ्चनपुर जिल्ला फुटवल संघले जनाएको छ् ।
