पप्पु गुरुङ्ग, दोधारा । कञ्चनपुरको दोधारा चाँदनीमा फुटबल रेफ्री र कोचको प्रशिक्षण सुरु भएको छ् । दोधारा चाँदनी नगरपालिका– ७ को लक्ष्मी माध्यमिक बिद्यालयको प्रांगणमा राष्ट्रिय स्तरको फुटबल रेफ्री र कोचको प्रशिक्षण सुरु गरिएको आयोजक संस्था कञ्चनपुर जिल्ला फुटवल संघका अध्यक्ष गणेश बहादुर चन्दले जानकारी दिनुभएको छ् । फुटवलमा रेफ्री र कोचको आवश्यकतालाई मध्यनजर राख्दै यस क्षेत्रमा पहिलो पटक प्रशिक्षण सुरु गरिएको उहाँले बताउनुभयो । फुटवल प्रतियोगिता बढी हुने भएको कारण रेफ्री र कोचको अभाव हुदै आएको अध्यक्ष गणेश बहादुर चन्दले बताउनुभयो । यो तालिमले फुटवल खेल बिकासमा ठुलै सघाउ पुग्ने उहाँले बिश्वास ब्यक्त गर्नुभएको छ् । तालिममा शुदुरपश्चिम क्षेत्रका अधिकांश जिल्लाका युवाहरुको सहभागिता रहेको अध्यक्ष चन्दले बताउनुभयो ।
दोधारा चाँदनी नगरपालिकाको आर्थिक सहयोग, अखिल नेपाल फुटबल संघ (एन्फा) को प्राविधिक सहयोग र कञ्चनपुर जिल्ला फुटवल संघको आयोजनामा सञ्चालन भएको फुटबल रेफ्री र कोचको प्रशिक्षण कार्यक्रमको उद्धघाटन गर्दै दोधारा चाँदनी नगरपालिकाका मेयर किशोर कुमार लिम्बुले दोधारा चाँदनी नगरपालिका क्षेत्रमा पहिलो पटक फुटबल रेफ्री र कोचको प्रशिक्षण तालिम भएको बताउनुभएको छ् । दोधारा चाँदनी नगरपालिका क्षेत्रमा फुटवलको क्रेज बढ्दो रहेको अवस्थामा खेल बिकासको लागी आफुले पहल थालेर तालिम सुरु गरेको बताउनुभएको छ् । अहिले रेफ्रीको प्रशिक्षण सुरु गरिएको र यस लगत्तै कोचको तालिम सुरु हुने मेयर लिम्बुले बताउनुभयो ।
तालिममा बिभिन्न जिल्लाका ३५ जना प्रशिक्षणमा सहभागी भएका तालिमका प्रशिक्षक तथा फिफाका पुर्व सहायक रेफ्री रोजन श्रेष्ठले बताउनुभएको छ् । फुटबल रेफ्री तथा कोच तालिम सैद्धान्तिक र प्रयोगात्मक हुने प्रशिक्षक तथा फिफा पुर्व सहायक रेफ्री रोजन श्रेष्ठले बताउनुभएको छ् ।
१८ वर्ष देखि ३५ वर्ष सम्मका खेलाडी, पूर्व खेलाडी र फुटबल खेल संग आबद्धलाई रेफ्रि र कोच उत्पादन गर्ने उदेश्यले प्रशिक्षण गराईएको प्रशिक्षक रोजन श्रेष्ठले बताउनुभएको छ् ।
दोधारा चाँदनी नगरपालिका क्षेत्रको फुटवल बिकासको लागी तालिम ऐतिहासिक भएको भन्दै स्थानियबासीहरुले प्रशंसा गरेका छन् ।
