पप्पु गुरुङ्ग, दोधारा । फुटबल प्रति खेलाडी र सर्वसाधारणको रुचि संगै कञ्चनपुरको दोधारा चाँदनी नगरपालिकामा सात दिने फुटबल रेफ्री र कोचको तालिम सञ्चालन हुने भएको छ् । दोधारा चाँदनी नगरपालिकाको आर्थिक सहयोग, अखिल नेपाल फुटबल संघ (एन्फा) को प्राविधिक सहयोग र कञ्चनपुर जिल्ला फुटवल संघको आयोजनामा दोधारा चाँदनी नगरपालिका– ७ लक्ष्मी माध्यमिक बिद्यालयको प्रांगणमा सात दिने फुटबल रेफ्री र कोचको तालिम सञ्चालन हुन लागेको कञ्चनपुर जिल्ला फुटवल संघका अध्यक्ष गणेश बहादुर चन्दले जानकारी दिनुभएको छ् । दोधारा चाँदनी नगरपालिकामा फुटबल खेलको असाध्यै राम्रो क्रेज रहेको तालिमले खेल क्षेत्रको उचाई बढाउन फुटबल रेफ्री र कोचको तालिमले सहयोग पुर्याउने उहाँले बिश्वास ब्यक्त गर्नुभएको छ् ।
देशभरीका ३५ जनाको सहभागितामा सञ्चालन हुन लागेको तालिममा सञ्चालन गर्न दोधारा चाँदनी नगरपालिकाको ठुलो सहयोग रहेको कञ्चनपुर जिल्ला फुटवल संघका अध्यक्ष गणेश बहादुर चन्दले बताउनुभएको छ् । तालिममा देशभरीबाट आएका सहभागीहरुलाई खान र बस्नको ब्यवस्था गरिएको उहाँले बताउनुभएको छ् । दोधारा चाँदनी नगरपालिका क्षेत्रमा कञ्चनपुर जिल्ला फुटवल संघले आयोजन ागर्न लागेको सात दिने फुटबल रेफ्री र कोचको तालिम ऐतिहासिक रहेको दोधारा चाँदनी नगरपालिकाका मेयर किशोर कुमार लिम्बुले बताउनुभएको छ् । दोधारा चाँदनी नगरपालिकामा फुटवलको बिगत लामो समय देखि फुटवलको क्रेज बढ्दो रहेको बताउदै मेयर किशोर कुमार लिम्बुले नगर क्षेत्रको फुटवल बिकासमा ठुलो सघाउ पुग्ने बिश्वास ब्यक्त गर्नुभएको छ् ।
फुटवल रेफ्री र कोचमा यस क्षेत्रलाई आत्मनिर्भर बनाउन तालिमले सहयोग पुग्ने उहाँले बिश्वास ब्यक्त गर्नुभएको छ् । १८ वर्ष देखि ३५ वर्षसम्मका खेलाडी, पूर्व खेलाडी र फुटबल खेल संग आबद्धलाई रेफ्रि र कोच उत्पादन गर्ने उदेश्यले प्रशिक्षण तालिम सुरु भएको मेयर किशोर कुमार लिम्बुले बताउनुभयो ।
यस क्षेत्रमा खेल भईरहदा रेफ्रि र कोचको खाँचो नहोस् भन्ने उदेश्यले तालिममा आयोजक संस्थालाई सघाएको उहाँले बताउनुभएको छ् । तालिम एक साता सम्म सैद्धान्तिक र प्रयोगात्मक हुने संघले जनाएका छन् ।
