कञ्चनपुर । कञ्चनपुरको दोधारा चाँदनी नगरपालिका–१० को अन्तिम बस्ती कुतियाकवर नदीको कटानीको उच्च जोखिममा छ् । दुई तिर महाकाली नदी र एकतर्फ जोगबुडा नदीले घेरेको यो बस्ती महाकाली र जोगबुडा नदीको निरन्तरको कटानले बस्तीनै नदीमा समाहित हुने जोखिममा छ् । भारत संग सीमा जोडिएको बस्तीमा महाकाली नदीको लगातारको कटानले ठूलो क्षति गरेको छ् । असार यताको बाढीले तिन बिघा जग्गा नदीमा समाहित भईसकेको कुतियाकवर विपद् व्यवस्थापन समिति दोधारा चाँदनी कुतियाकवरका संयोजक टेक बहादुर सुनारले बताउनुभयो । पूर्वमा महाकाली र उत्तरमा जोगबुडा नदीको दोसाधमा रहेको कुतियाकवर दक्षिणमा भने भारत संग जोडिएको छ ।
संघिय र प्रदेश सरकारले बस्तीलाई नहेरे पनि सरकारले आफ्नो भूमि जोगाउन पनि कटान रोक्ने उपाय खोज्नुपर्ने उहाँले बताउनुभएको छ् । नदी कटानले गाँउ नै जोखिममा परेको छ् अहिले सम्म राज्यबाट नदी नियन्त्रणका लागि खासै पहल हुन नसकेको उहाँको भनाई छ् । बस्ती अवलोकनका लागि सांसद, मन्त्री धेरै पटक आएपनि नदी नियन्त्रणको पिडा उस्तै रहेको ओंमकार आधारभुत बिद्यालयका शिक्षक टंकलाल जोशीले बताउनुभयो । स्थानिय सरकार संग तटबन्ध निमार्ण गर्न रकम नहुने हुदा संघिय सरकार र प्रदेश सरकार बस्तीलाई जोगाउन पहल गर्नु पर्ने शिक्षक टंकलाल जोशीले बताउनुभएको छ् । विसं २०७४ मा जोगबुडा नदीमा झोलुङ्गे पुल बनेपछि नगर संग जोडिएको कुतियाकवर बस्तीमा बर्सेनी जोगबुडा र महाकाली नदीले जमिन कटान हुदै आएको छ् ।
जग्गा कटान गर्दा बस्ती पातलिदै गएको छ् । अहिले ४२ घरपरिवार मात्रै बस्तीमा बसोबास गर्छ । सानो संख्यामा रहेपनि दुई दशक देखि बिना बर्दीको सीपाहीको रुपमा सिमानामा माटो रक्षा गरिरहेपनि राज्यले आफूहरुका लागि खासै सुविधा उपलब्ध नगराएको स्थानीयको गुनासो छ् ।
झण्डै ५० बिघा क्षेत्रफल रहेको बस्ती हरेक वर्ष हुने कटानले साघुँरिदै गएको छ् । हिजो आज पनि बस्तीको पश्चिम तर्फ महाकाली नदीले नियमित कटान गरिरहेको छ् ।
