कञ्चनपुर : प्रिन्सिपल एसोसिएसन अफ नेपाल(पान कञ्चनपुर)ले अरन्तरकृया गरेको छ । शनिबार महेन्द्रनगरमा पानले ‘गुणस्तरिय समतामुलक शिक्षाका लागि सामुदायिक विद्यालयको शसक्तिकरण विषयक सरोकारवालासंग अन्तरकृया गरेको हो ।
उक्त अन्तरकृया कार्यक्तममा सरोकारवालाहरुले पानले शैक्षिक गुणस्तरका कार्यक्रममा संचालनमा जोडदिएका छन ।कार्यक्रममा स्वागत मन्तव्य राख्दै पानका उपाध्यक्ष सुरेन्द्र सिह साउदले पानमा आबद्ध शिक्षकहरुले विशुद्ध शैक्षिक गुणस्तरका कार्यक्रम संचालन गर्नुपर्ने बताए ।
पानका सदस्य प्रकास चन्दले प्रस्तुतीकरण गरेका थिए । पान कञ्चनपुरका अध्यक्ष हिम्मत सिह ऐरीको अध्यक्षतामा भएको कार्यक्रममा बेदकोट नगरका मेयर भोजराज बोहरा प्रमुख अतिथि रहेका थिए । पान बेदकोट नगरका अध्यक्ष नवराज पन्तले संचालन गरेको कार्यक्रममा सरोकारवालाको सहभागिता रहेको थियो ।
