दोधारा चाँदनीका डाक्टर चौधरीले खाद्यान्न सहयोग गरि मनाए अनाथालयमा रक्षा बन्धन

दोधारा । आरोग्य केडिकेयर एण्ड डाईष्टीक दोधारा चाँदनीका डाक्टर गगनराज चौधरीले महेन्द्रनगर स्थित समाज कल्याण अञ्चल बाल अनाथालयमा पुगेर खाद्यान्न सहयोग गरे बालबालिका र घरपरिवार संग रक्षा बन्धन पर्व मनाएका छन् । कञ्चनपुरको दोधारा चाँदनी नगर अस्पतालका पुर्व डाक्टर र हाल आरोग्य केडिकेयर एण्ड डाईष्टीकका डाक्टर गगनराज चौधरीले महेन्द्रनगर स्थित रहेको समाज कल्याण अञ्चल बाल अनाथालयमा पुगेर खाद्यान्न सहयोग गरि बालबालिका र घरपरिवार संग रक्षा बन्ध पर्व मनाएका हुन् । डाक्टर चौधरी दोधारा चाँदनी नगरपालिका क्षेत्रमा सबैले मन पराएका डाक्टर हुन् ।

डाक्टर चौधरीले सुक्रवार अनाथालयमा आफ्नो घरपरिवार संग पुगेर आवश्यक खाद्यान्न सामाग्री तथा आर्थिक सहयोग प्रदान गर्नुभएको हो । कार्यक्रममा अनाथालयका बालबालिकाले डा. चौधरीलाई राखी बाँधी शुभकामना दिएका थिए भने डा. चौधरीले पनि बालबालिकालाई मिठाई तथा उपहार प्रदान गरेका थिए । उहाँले आफ्ना दिदी बहिनीहरुलाई समाज कल्याण अञ्चल बाल अनाथालयमा विशेष रुपमा बोलाएर रक्षा बन्धन बाँधेका हुन् ।

बाल अनाथालयमा पुगेर रक्षा बन्धन पर्व मनाउदै थोरै भएपनि सहयोग गर्न पाएको आफु खुशी भएको डाक्टर चौधरीले बताउनुभएको छ् । अनाथालयमा हाल ३३ बालक आश्रित छन् । सबै जसो बालबालिकालाई बजार क्षेत्रका निजी तथा सरकारी स्कुलले नि:शुल्क अध्यापन गराईरहेको भएपनि अनाथालयको अन्य व्यवस्थापनमा भने आर्थिक अभाव हुदै आएको बताईएको छ् ।

विसं २०४९ मा स्थापना भएको बाल अनाथालयलाई राज्यबाट खासै सहयोग नभएको समाज कल्याण अञ्चल बाल अनाथालयले बताउदै आएको छ् ।

ताजा समाचार