पप्पु गुरुङ्ग, दोधारा । कञ्चनपुरको भीमदत्त नगरपालिकामा रहेको श्री अमर शहीद आधारभूत विद्यालयमा वृक्षारोपण तथा फुलबारी विकास कार्यक्रम सम्पन गरिएको छ् । नेपाल राष्ट्रिय समाज कल्याण संघ (एनएनएसडब्ल्यूए) तथा डीसीए को सहकार्यमा विद्यालय परिसरमा वृक्षारोपण र फुलबारी विकास कार्यक्रम सम्पन्न भएको हो । विद्यालयमा समी, धुपी, करबीर, मुसुन्डा र बेगमबेली लगायतका २ सय बढी बिरुवाहरू रोपिएका छन् । नेपाल राष्ट्रिय समाज कल्याण संघ (एनएनएसडब्ल्यूए) का कार्यकारी निर्देशक अशोक बिक्रम जैरुले विद्यालय परिसरमा हरियाली प्रवद्र्धन गर्दै तातो हावाको प्रभाव न्यूनिकरण गर्ने उद्देश्यले वृक्षारोपण गरिएको जानकारी दिनुभयो । साथै, उहाँले फुलबारीबाट उत्पादित फूलहरुको व्यवसायीकरण मार्फत श्रवण तथा बोलाई सम्बन्धी अपाङ्गता भएका बालबालिकाको व्यवस्थापनमा सहयोग पुर्याउने उद्देश्यले यो पहल गरिएको समेत उल्लेख गर्नुभयो ।
विद्यालयका प्रधानाध्यापक हरिश प्रसाद जोशीले नेपाल राष्ट्रिय समाज कल्याण संघ (एनएनएसडब्ल्यूए) ले विद्यालयको प्राङ्गण, खेल मैदान र सडक किनारहरुमा वृक्षारोपण तथा फुलबारी निर्माण गरिएकोमा धन्यवाद दिनुभयो । उहाँले विद्यालय हराभरा भएमा विद्यालयलाई बालमैत्री बनाउन मद्दत पुग्ने र विद्यार्थीहरुमा विद्यालय जाने बानीको विकास गर्न सहयोग पुग्ने विश्वास व्यक्त गर्नुभयो । प्रधानाध्यापक जोशीले विद्यालयमा हाल ३३ जना श्रवण तथा बोलाई सम्बन्धी अपाङ्गता भएका बालबालिका अध्ययनरत रहेको जानकारी दिनुभयो । ती बालबालिकाले अघिल्लो वर्ष फुलबारीबाट फूल बेचेर आम्दानी समेत गरेका थिए ।
यस वर्ष थप बिरुवा रोपिएकाले थप आम्दानी हुने साथै विद्यालयको वातावरण अझ आकर्षक र प्रेरणादायी बन्ने अपेक्षा गरिएको छ् । विद्यालयकी शिक्षिका लक्ष्मी अवस्थीले वृक्षारोपणबाट विद्यालय क्रमश : हराभरा बन्दै जाने बताउनुभयो । उहाँले बालबालिकाहरु स्वच्छ तथा स्वस्थ वातावरणमा सिक्न पाउदा उनीहरुमा आत्मबल र उत्साह थपिने धारणा राख्नुभयो । नेपाल राष्ट्रिय समाज कल्याण संघ (एनएनएसडब्ल्यूए) ले हरियाली प्रवर्धनका लागि विभिन्न कार्यक्रमहरु गर्दै आएको छ् ।
जस अन्तर्गत ईको पार्क, भीम वाटीका, विद्यालयहरु तथा भीमदत्त नगरपालिकाका विभिन्न खुला क्षेत्रहरुमा संरक्षण तथा हरियाली प्रवद्र्धन गर्ने कार्यलाई प्राथमिकताका साथ अगाडिी बढाईएको छ् ।
यस्ता वातावरणमैत्री गतिविधीहरुले समुदायमा स्वच्छता, सौन्दर्य र सामाजिक चेतनाको विकासमा महत्वपूर्ण योगदान पुर्याउने छ् ।
