खडक बहादुर कोली/कञ्चनपुर: समाजसेवी कलशा महराले एक विद्यालयका बालबालिकाहरूलाई भोजन गराएकी छन् । श्रावण महिनाको १५ गते खिर खाने दिन भएकाले यसै अवसरमा मदन भण्डारी स्मृति आधारभूत विद्यालयका बालबालिकाहरूलाई सेलरोटी र मिठाई खुवाएर समाजसेवा गरेकी छन् । आफ्नो खिर खुवाउने योजना भएतापनि बालबालिकाहरूले सेल रोटि मन पराएकोले उनको इच्छा अनुसारको भोजन गराएको उनले बताइन ।
वेदकोट नगरपालिका ८ नम्बर वडामा बस्दै आएकी महराले मदन भण्डारी स्मृति विद्यालयका बालबालिकाहरू गरिब मजदुर, सुकुमबासी, मुक्त कमलरी, आदिवासी, दलितका बालबालिकाहरू पढ्ने विद्यालय भएको र प्रधानाध्यापक पनि महिला भएको कारणले आफूले सुदूरको सपना नामक किताब बिक्री गरेर उठेको रकमबाट बेदकोटबाट मदन भण्डारी स्कुलमा आएर भोजन गराएको बताइन ।
विद्यालयकी प्रधानाध्यापक पद्मा भण्डारी साउदले अहिलेसम्म कसैले कुनै प्रकारको पनि सहयोग नगरेको र हाम्रा विद्यालयका बालबालिकाहरुलाई भोजन गराएर खुसी पार्नु भएकोमा धन्यवाद दिँदै अगामी दिनहरूमा पनि यस्ता कार्यक्रमहरु ल्याउन आग्रह समेत गरेकी छन् । कलशा महारा २०७० सालमा मालेबाट समानुपातिक संविधान सभा सदस्य विजयी भएकी थिइन् । अहिले एमाले प्रदेश कमिटी सदस्य छन् । ३३ वर्ष राजनीतिमा होमिएकी महरा राजनीतिबाट घर र समाजमा कुनै उपलब्धि नभएपछि आफू २०७९ सालमा सुदूरका सपना नामक किताबको खोजी गरी किताब लेखन सुरु गरी ४४ पृष्ठको सुदुरका सपना किताब निकाली २०८२ वैशाख ४ गते विमोचन भएको किताबको मूल्य रु. ५ सय राखिएको छ ।
पहिलो पटक उनले निःशुल्क किताब बितरण गरेको र दोस्रो पटक आधा मूल्यमा बिक्री गरी उठेको रकमबाट आफूले सानो भए पनि समाजको सेवा गर्ने उद्देश्यका साथ साना नानी बाबु विद्यार्थीहरूलाई स्कुलमै भान्सा लगाएर आफैले खाना पकाएर भोजन गराएको समाजसेवी कलशा महराले बताएकी छन । समाज सेवा देखेर अभिभावकहरू, शिक्षक शिक्षिका खुसी भएर धन्यवाद दिएका छन् भने उनले आफ्नो बाँकी जीवन राजनीतिक भन्दा सामाजिक सेवामा लाग्ने योजना रहेको बताइन ।
