काठमाडौ: नेपालमा पहिलो पटक एम्पुटी रनवे नेपाल २०२५ (र्याम्प प्रदर्शन) एक कार्यक्रमका साथ सम्पन्न भएको छ।
मंगलबार काठमाडौ स्थित हातिसारमा निर्मला फाउन्डेसनको आयोजनामा ग्रीन आर्ट्स नेपालको समन्वय सहयोगमामा नेपालमा नै पहिलो पटक एम्पुटी रनवे नेपाल- २०२५ भएको हो।
निर्मला फाउन्डेसनको आयोजनामा एम्पुटी रनवे नेपालको र्याम्पमा कृत्रिम हात खुट्टा लगाएर अपाङ्गता भएका व्यक्तिहरू महिला र पुरुषले र्याम्पमा वाक गरेका हुन् ।
समाजमा अपाङ्गता भएका मानिसहरूलाई गरिने हेयको व्यवहार विरुद्ध कार्यक्रम आयोजना गरिएको फाउन्डेसनले जनाएको छ। महिना लाई हातखुट्टा गुमाई अपाङ्गता भएकाले “अंग हानि र अङ्ग भिन्नता” जागरूकता महिनाका रुपमा अप्रेल महिना लाई लिने गरिन्छ।
एम्पुटी रनवे नेपाल २०२५ (र्याम्प प्रदर्शन) हुँदा सहभागी सम्पुर्ण उत्साहित भएका छन् । साथै अपाङ्गताका विभिन्न क्षेत्रमा योगदान पुगाउने व्यक्तित्वहरु लाई समेत सम्मान गरिएको छ।
