चुरे क्षेत्रका वन पदाधिकारीद्वारा महाकाली सामुदायिक वनमा अनुगमन

महेन्द्रनगर : कञ्चनपुरको चुरे क्षेत्रका वन पदाधिकारीहरुले वन व्यवस्थापन भएको महाकाली सामुदायिक वनमा अनुगमन गरेका छन । सोमबार चुरे क्षेत्रका वेदकोट नगरपालिकामा रहेका सामुदायिक वनका पदाधिकारीहरुले वन व्यवस्थापन भएको कृष्णपुर नगरपालिका –०६ बन्जरियाको महाकाली सामुदायिक वनमा अनुगमन गरेका हुन ।

चुरे सरक्षण सञ्जाल नेपालले आयोजना गरेको दीगो वन व्यवस्थापन तालिम अन्र्तरगत सहभागिहरुलाई उदाहरणीय वन व्यवस्थापन गरेको महाकाली सामुदायिक वनमा स्थलगत अनुगमन गराएको हो । चुरे संरक्षण सञ्जाल नेपालका अध्यक्ष रविन्द्र कुँवरले वैज्ञानिक वन व्यवस्थापन लागु भएको उक्त महाकाली सामुदायिक वनको संरक्षणदेखि दीगो वन विकास कार्यक्रम बारे जानकारी गराउने उदेश्यका साथ चुरे क्षेत्रका उपभोक्ताहरुलाई स्थलगत अनुगमन गराएको बताए ।

महाकाली सामुदायिक वनका अध्यक्ष बिर बहादुर राजवंशीले वैज्ञानिक वन व्यवस्थापन सुरुवात र खारेजी भएपछि सामुदायिक वनका कामकाजमा प्रभाव ल्याएको बताए । त्यसैगरी डिभिजन वन कार्यालय कञ्चनपुरका वन अधिकृत अमर सिंह धामीले वैज्ञानिक वनलाई कसरी दिगो व्यवस्थापन गर्ने सकिन्छ भनेर सहभागी भएका सामुदायिक बन उपभोक्ताहरुलाई बताए । उनले वन व्यवस्थापन भएको स्थानमा पुर्नरुत्पादन भएको बताए । सामुदायिक वनमा दोहोरो ऐन नियमले संरक्षणमा चुनौती थपिदिएको बताए । अनुगमन गरेपछि चुरे क्षेत्रका सामुदायिक वनका पदाधिकारीहरुले महाकाली सामुदायिक वनमा दीगो वन व्यवस्थापनका कार्यक्रम प्रभावकारी भएको बताएका छन ।

ताजा समाचार